ହରିପୁର -ବେଗୁନିଆ ଉନ୍ନୀତ ଉ:ପ୍ରା: ବିଦ୍ୟାଳୟର ବାର୍ଷିକ ଉତ୍ସବ

ବାଲେଶ୍ୱର,(ଯୁଗାବ୍ଦ ନ୍ୟୁଜ୍‍): ରେମୁଣା ବ୍ଲକ ଅଧୀନସ୍ଥ ହରିପୁର-ବେଗୁନିଆ ଉନ୍ନୀତ ଉ:ପ୍ରା: ବିଦ୍ୟାଳୟର ବାର୍ଷିକ ପୁରସ୍କାର ବିତରଣ ଉତ୍ସବ ଗତ ଗୁରୁବାର ପ୍ରଧାନ ଶିକ୍ଷୟିତ୍ରୀ ଉର୍ମିମାଳା ପଣ୍ଡାଙ୍କର ପୌରୋହିତ୍ୟରେ ଅନୁଷ୍ଠିତ ହୋଇଯାଇଛି । ସଭାରେ ମୁଖ୍ୟଅତିଥି ଭାବେ ଅରଡ଼ବଜାର ‘କ’ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅନ୍ନପୂର୍ଣ୍ଣା ପାଣି, ମୁଖ୍ୟବକ୍ତା ଭାବେ ବୃନ୍ଦାବନପୁର ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁଶ୍ରୀ ସତ୍ୟଭାମା ମୁଦୁଲି, ସମ୍ମାନିତ ଅତିଥି, ବିଦ୍ୟାଳୟ ପରିଚାଳନା କମିଟି ସଭାପତି ପ୍ରଭାସଚନ୍ଦ୍ର ପାତ୍ର, ପୂର୍ବତନ ସଭାପତି ତଥା ବର୍ତ୍ତମାନ ସଦସ୍ୟ ରବୀନ୍ଦ୍ର କୁମାର ନାୟକ, ସଭ୍ୟ ଉପେନ୍ଦ୍ର ପାତ୍ର ଓ ଅନ୍ୟାନ୍ୟ ସଭ୍ୟ,ସଭ୍ୟା ଯୋଗ ଦେଇଥିଲେ । ଶିକ୍ଷୟତ୍ରୀ ଆଶାଲତା ମହାପାତ୍ର ଅତିଥି ପରିଚୟ ଓ ପୁଷ୍ପପ୍ରିୟା ଦାଶ ବିବରଣୀ ପାଠ କରିଥିବା ବେଳେ ରେଶମା ଖାତୁନ୍ ଧନ୍ୟବାଦ ଦେଇଥିଲେ । ମୋନାଲିସା ଦତଓ ମଞ୍ଜୁଲତା ଦାଶ, କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କାର୍ଯ୍ୟରେ ସହଯୋଗ କରିଥିଲେ । ଶେଷରେ ଶିକ୍ଷକ ନବୀନ କୁମାର ପ୍ରମାଣିକ ଓ ଶିକ୍ଷୟତ୍ରୀ ସ୍ୱର୍ଣ୍ଣପ୍ରଭା ମହାପାତ୍ରଙ୍କ ନିର୍ଦ୍ଦେଶିତ ନାଟକ ‘ହୃଦୟ ଖୋଲିଲା’ ପିଲାଙ୍କ ଦ୍ୱାରା ମଞ୍ଚସ୍ଥ ହୋଇଥିଲା । ଶିକ୍ଷୟିତ୍ରୀ ସବିତାରାଣୀ ଦାସ, ସୁକାନ୍ତୀ ପ୍ରଧାନ, ଲୁସନା ବିଶୋଇ, ତୃପ୍ତିରାଣୀ ମାଇତି, ରାମପ୍ରକାଶ ପାଣ୍ଡେ ଓ ପରିଚାଳନା କମିଟିର ସଭ୍ୟ/ସଭ୍ୟାମାନେ ଉପସ୍ଥିତ ରହି ପରିଚାଳନାରେ ସାହାଯ୍ୟ କରିଥିଲେ ।