ହରିହର ସାହିରେ ୧୬ ପ୍ରହର ଅଖଣ୍ଡ ନାମ ଯଜ୍ଞ ଉଦଯାପିତ
ବେଲଗୁଣ୍ଠା,(ସନ୍ତୋଷ ବିଷୋୟୀ): ପ୍ରତିବର୍ଷ ଭଳି ଚଳିତ ବର୍ଷ ମଧ୍ଯ ପବିତ୍ର ସରସ୍ଵତୀ ପୂଜା ଅବସରରେ ବେଲଗୁଣ୍ଠା ବ୍ଳକ୍ ଅନ୍ତର୍ଗତ କ୍ଷତ୍ରିୟବରପୁର ପଞ୍ଚାୟତର ହରିହର ସାହିରେ ଗତ ୧୬ ତାରିଖରେ ଆରମ୍ଭ ହୋଇଥିବା ଷଷ୍ଠ ବାର୍ଷିକ ୧୬ ପ୍ରହର ଅଖଅଣ୍ଡ ନାମ ଯଜ୍ଞ ଓ ଅନ୍ନ ଯଜ୍ଞ ଆଜି ଉଦଯାପିତ ହୋଇଯାଇଛି I ଦୁଇ ଦିନ ଧରି ଚାଲିଥିବା ଏହି ୧୬ ପ୍ରହର ନାମ ଯଜ୍ଞରେ ମୁଖ୍ୟ ପୂଜକ ଭାବେ ମାଧବରିଡ଼ା ମଠ ମହନ୍ତ ମହାରାଜ ଯୋଗ ଦେଇଥିବା ବେଳେ ବାଘୁଆପଲ୍ଲୀ,ଖରିଡ଼ା,କାଳିଆଗୁଡା ଏବଂ ସାନ୍ତରା ପଲ୍ଲୀ ଗ୍ରାମର ଚାରୋଟି ସଂକୀର୍ତ୍ତନ ମଣ୍ଡଳୀ ଏଥିରେ ଅଂଶଗ୍ରହଣ କରିଥିଲେ I ଆଜି ସକାଳ ୮ ଘଣ୍ଟା ୫୫ ମିନଟ୍ ସମୟରେ ଯଜ୍ଞ ପୂର୍ଣ୍ଣାହୁତି ଦିଆଯିବା ସହ ଦଧିଭାଣ୍ଡ ଭଞ୍ଜନ, ନଗର ପରିକ୍ରମା,ଯମୁନା ସ୍ନାନ ଏବଂ ପ୍ରସାଦ ସେବନ ପୂର୍ବକ ଉତ୍ସବଟି ଉଦଯାପିତ ହୋଇଥିଲା I ଏହି ୧୬ ପ୍ରହରୀ ଦେଖିବାକୁ ପ୍ରଥମ ଦିନରୁ ହିଁ ଆଖପାଖ ବିଭିନ୍ନ ଗ୍ରାମରୁ ବହୁ ଲୋକଙ୍କ ସମାଗମ ହୋଇଥିଲା I ଏହି କାର୍ଯ୍ୟକ୍ରମରେ ମୁଖ୍ୟ ପରିଚାଳକ କୈଳାସ ଗୌଡ, ଶିଶିର ଗୌଡ଼,ମହେଶ୍ଵର ଗୌଡ଼, ହରିହର ପତି, ସଞ୍ଜୟ ନାୟକ ଏବଂ ଭଜରାମ ସ୍ୱାଇଁଙ୍କ ନେତୃତ୍ୱରେ ଗ୍ରାମବାସୀ ମାନେ ସହଯୋଗ କରିଥିଲେ I
