ହରିହାଟରେ ୯ ଦିନ ଧରି ପୂଜା ପାଇବେ ଜଗନ୍ନାଥ

ବନ୍ତ, (ଚାନ୍ଦିନୀ ମହାନ୍ତି) : ବନ୍ତ ବ୍ଲକ ଗଣିଜାଙ୍ଗ ବଜାରସ୍ଥିତ ଜଗନ୍ନାଥ ମନ୍ଦିରରେ ପ୍ରଭୁ ଜଗନ୍ନାଥ ୯ଦିନ ଧରି ସ୍ୱତନ୍ତ୍ର ଭାବେ ପୂଜା ପାଇବେ । ପଣା ସଂକ୍ରାନ୍ତୀ ଦିନ ଶାସନସ୍ଥିତ ପୁଷ୍କରିଣୀରୁ କଳସ ଅଣାଯାଇ ଘଟସ୍ଥାପନା କରାଯାଇଥିଲା । ଜଗନ୍ନାଥ, ରାଧାମାଧବ, ଶ୍ରୀ ଗଣେଶ, ରାଧାକୃଷ୍ଣ, ଭାଗବତଗାଦୀରେ ପ୍ରତ୍ୟେହ ସ୍ୱତନ୍ତ୍ର ରୀତିନୀତି ଅନୁଯାୟୀ ପୂଜା ପାଇଥାନ୍ତି । ପୂଜକ ଗୋବିନ୍ଦ ଚନ୍ଦ୍ର ମିଶ୍ର, ରାମ ଚନ୍ଦ୍ର ପାଣିଗ୍ରାହୀଙ୍କ ସମେତ ସ୍ଥାୟୀ ପୂଜକ ଭରତ ଚନ୍ଦ୍ର ପାଣିଗ୍ରାହୀ ନୀତି କାର୍ଯ୍ୟ ତୁଲାଉଛନ୍ତି । ସକାଳ ଓ ସନ୍ଧ୍ୟାରେ ଆଳତୀ ଦର୍ଶନ, ଗୀତାପାଠ, ଭଜନ ସମାରୋହ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ । କର୍ତ୍ତା ଭାବରେ ତ୍ରିଲୋଚନ ପ୍ରଧାନ, ଦୟାନିଧି ଘଡାଇ ଥିବା ବେଳେ ପୂଜା କାର୍ଯ୍ୟକୁ ନୂଆ ହରିହାଟର କର୍ମକର୍ତ୍ତା ସହଯୋଗ କରୁଛନ୍ତି ।