ହଲିଉଡ଼ ଗୋଲ୍ଡ଼ ଆୱାର୍ଡ଼ରେ ଓଡ଼ିଆପୁଅ
ଭୁବନେଶ୍ୱର, (ଓ୍ବାଇଏନ୍ଏସ୍) : ନିଜର ଅସାଧାରଣ କାର୍ଯ୍ୟ ପାଇଁ ସାରା ବିଶ୍ୱରେ ନିଜର ନାମ ଯୋଡ଼ିଛନ୍ତି ଜଣେ ଓଡ଼ିଆ ପୁଅ । ଓଡ଼ିଶାରେ ସାଇରାମ ଗାନ୍ଧୀ ନାମରେ ପରିଚିତ ମୋହନ ମହାପାତ୍ର । ଖୁବ୍ କମ ବସୟରେ ସେ ଚର୍ଚ୍ଚାକୁ ଆସିଛନ୍ତି । ଜାତିର ପିତା ମହାତ୍ମା ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହୋଇ ସ୍ୱଚ୍ଛ ଭାରତ ଅଭିଯାନ ମାଧ୍ୟମରେ ଲୋକଙ୍କୁ ସଚେତନ କରିଥିଲେ । ଏଥିପାଇଁ ତାଙ୍କ ନାମରେ ସିଲ୍ଭର ଗାନ୍ଧୀ ନାମରେ ଏକ ଚଳଚ୍ଚିତ୍ର ମଧ୍ୟ ତିଆରି ହୋଇଥିଲା । ଏଇ ନିକଟରେ ତାଙ୍କ ଚଳଚ୍ଚିତ୍ରଟି କାନ୍ ଚଳଚ୍ଚିତ୍ର ଉତ୍ସବରେ ପ୍ରଥମ ସ୍ଥାନ ଅଧିକାର କରିଥିଲା । ବର୍ତ୍ତମାନ ସେହି ଚଳଚ୍ଚିତ୍ର ପାଇଁ ତାଙ୍କୁ ମିଳିଛି ହଲିଉଡ଼ ଗୋଲ୍ଡ଼ ଆୱାର୍ଡ଼ । ଏହି ଆୱାର୍ଡ଼ ପାଇଲା ପରେ ସବୁ ମହଲରୁ ମୋହନଙ୍କ ନିକଟକୁ ପ୍ରଶଂସାର ସୁଅ ଛୁଟିବାରେ ଲାଗିଛି ।ଏଠାରେ ପ୍ରକାଶଥାଉକି, ଓଡ଼ିଶାରେ ସାଇରାମ ଗାନ୍ଧୀ ନାମରେ ପରିଚିତ ମୋହନ ଦୀର୍ଘଦିନ ଧରି ଓଡ଼ିଶାରେ ଜାତିର ପିତା ମହାତ୍ମା ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହୋଇ ସ୍ୱଚ୍ଛଭାରତ ଅଭିଯାନରେ ସାମିଲ ହୋଇ ଲୋକଙ୍କୁ ସଚେତନତାର ବାର୍ତ୍ତା ବଣ୍ଟି ଆସୁଥିଲେ । ପୂର୍ବରୁ ସେ ଦିଲ୍ଲୀ ପଦଯାତ୍ରା କରି ରାଷ୍ଟ୍ରପତିଙ୍କ ଠାରୁ ପୁରସ୍କାର ମଧ୍ୟ ପାଇସାରିଛନ୍ତି । ତାଙ୍କର ଏହି କୃତିତ୍ୱ ପାଇଁ ଓଡ଼ିଶାବାସୀ ମୋହନଙ୍କୁ ଅଭିନନ୍ଦନ ଜଣାଇଛନ୍ତି ।
