ହାଟଡ଼ିହି ବ୍ଲକରେ ବ୍ଲକସ୍ତରୀୟ ପରାମର୍ଶ ଶିବିର

ହାଟଡ଼ିହି, (ବିକାଶ ବିଶ୍ୱାଳ):ହାଟଡ଼ିହି ବ୍ଲକରେ ବ୍ଲକସ୍ତରୀୟ ଆତ୍ମନିଯୁକ୍ତି ପରାମର୍ଶ ଶିବିର ଅନୁଷ୍ଠିତ ହୋଇଯାଇଛି। ବିପିଏମ ମଧୁସ୍ମିତା ଦାସଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ସାବିତ୍ରୀସେଠୀ, ବିଡିଓ ରଞ୍ଜନ କୁମାର ପରିଡା, ଜିଲ୍ଲା ବୈଷୟିକ ଓ ଦକ୍ଷତା ନିଯୁକ୍ତି ବିଭାଗର ଅଭିଶେଖ୍ ଚକ୍ର, ଆଇଏଚଏମ୍ ଅବିନାଶ ଦାସ, ସିଟିଟିସି ସୁବ୍ରତ କୁମାର ମହାନ୍ତ, ଆନନ୍ଦପୁର ଆଇଟିଆଇ ଅନୁଷ୍ଠାନର ଶିକ୍ଷକ ପ୍ରଦୀପ କୁମାର ସାହୁ ପ୍ରମୁଖ ଯୋଗ ଦେଇଥିଲେ। ପୂର୍ବ ନିର୍ଦ୍ଧାରଣ ଅନୁସାରେ ଏଥିରେ ବିଭିନ୍ନ କମ୍ପାନୀମାନେ ଯୋଗଦେଇ ଶିକ୍ଷିତ ଯୁବବର୍ଗଙ୍କୁ ତାଲିମ୍ ଓ ପରେ ନିଯୁକ୍ତି ଦେବାନେଇ ସେମାନଙ୍କ ନାମ ପଞ୍ଜିକରଣ କରିଥିଲେ। ବିଭିନ୍ନ ସରକାରୀ ଓ ବେସରକାରୀ ନିଯୁକ୍ତି ଅନୁଷ୍ଠାନ ମଧ୍ୟରେ ବାରିପଦାର ସାହି ଏକ୍ସପୋର୍ଟ, ଜଟଣୀ ସ୍ଥିତ ରାମଚନ୍ଦ୍ରପୁରର ଗ୍ରାମ ତରଙ୍ଗ, କେନ୍ଦୁଝର ଘଟଗାଁର ଲର୍ଣ୍ଣନେଟ ପ୍ରଭୃତି ନିଯୁକ୍ତି କମ୍ପାନୀ ଯୋଗଦେଇ ପ୍ରାୟ ଶହେରୁ ଉର୍ଦ୍ଧ୍ୱ ବେକାର ଯୁବକ ଯୁବତୀଙ୍କ ନାମ ପଞ୍ଜିକରଣ କରିଥିଲେ। ସେସବୁ କମ୍ପାନୀ ମାନଙ୍କରେ ମାଗଣା ରହିବା ଓ ଖାଇବା ସହ ତାଲିମ୍ ଏବଂ ପରେ ନିଯୁକ୍ତି ନେଇ ବୁଝାଇଥିଲେ । ଏହି କାର୍ଯ୍ୟକ୍ରମକୁ ବ୍ଲକର ମିନାକ୍ଷୀ ମୋନାଲିସା ଜେନା ଓ ସ୍ବର୍ଣ୍ଣରାଣୀ ପୃଷ୍ଟି ପ୍ରମୁଖ ସହଯୋଗ କରିଥିଲେ।