ହାଟଡ଼ିହି ହାଇସ୍କୁଲରେ ଜାତୀୟ ଶକ୍ତି ସରଂକ୍ଷଣ ଦିବସ ପାଳନ
ହାଟଡ଼ିହି, (ବିକାଶ ବିଶ୍ୱାଳ):ଜାତୀୟ ଶକ୍ତି ସରଂକ୍ଷଣ ଦିବସ ପାଳନ ଅବସରରେ ଆଜି ହାଟଡ଼ିହିଁ ହାଇସ୍କୁଲରେ ବ୍ଲକ ସ୍ତରୀୟ ଏକ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। କେନ୍ଦ୍ର ଅଧ୍ୟକ୍ଷ ପରମାନନ୍ଦ ପରିଡ଼ାଙ୍କ ଅଧ୍ୟକ୍ଷତାରେ ଏହି କୁଇଜ ପ୍ରତିଯୋଗିତାକୁ ପ୍ରମୋଦ କୁମାର ବେହେରା, ଅନିତା ବେହେରା, ନିବେଦିତା ସିଂ, ସାଇସୌମ୍ୟ ରାଉଳ, ସହଦେବ ପରିଡ଼ା ପ୍ରମୁଖ ପରିଚାଳନା କରିଥିଲେ। ବିଭିନ୍ନ ସ୍କୁଲରୁ ମୋଟ ୧୪୭ଜଣ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଭାଗ ନେଇଥିଲେ। ଏହି ପ୍ରତିଯୋଗିତାରେ ୧ମ ସ୍ଥାନରେ ହାଟଡ଼ିହି ସରକାରୀ ହାଇସ୍କୁଲର ୧୦ମ ଶ୍ରେଣୀର ଛାତ୍ର ସୁଶାନ୍ତ ମହାନ୍ତି, ୨ୟ ସ୍ଥାନରେ ସୋସୋ/କାନପୁର ସ୍ଥିତ ବି.କେ ହାଇସ୍କୁଲର ୧୦ମ ଶ୍ରେଣୀର ଛାତ୍ର ପ୍ରୀତିରାଜ ରାଉତ ଓ ୩ୟ ସ୍ଥାନରେ ସୁନ୍ଦରପାଳ ସ୍ଥିତ ଗଡ଼ଚଣ୍ଡୀ ହାଇସ୍କୁଲର ୧୦ମ ଶ୍ରେଣୀର ଛାତ୍ର ସଞ୍ଜିତ କୁମାର ପାତ୍ର କୃତକାର୍ଯ୍ୟ ହୋଇଥିଲେ। ଏହି କାର୍ଯ୍ୟକ୍ରମ ପରିଚାଳନାରେ କର୍ମଚାରୀ ହରିପଦ ଭଟ୍ଟ ସହଯୋଗ କରିଥିଲେ ।
