ହାଟଡିହିରେ ବରିଷ୍ଠ ନାଗରିକ ପରିଷଦର କର୍ମକର୍ତ୍ତା ଚୟନ

ହାଟଡ଼ିହି,(ଯୁଗାବ୍ଦ ନ୍ୟୁଜ୍) : ହାଟଡିହି ବ୍ଲକ ବରିଷ୍ଠ ନାଗରିକ ପରିଷଦର ଏକ ଗୁରୁତ୍ୱପୁର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ହାଟଡିହି ଠାରେ ଅନୁଷ୍ଠିତ ଏହି ବୈଠକରେ ଓଡିଶା ବରିଷ୍ଠ ନାଗରିକ ପରିଷଦର ଅରୁଣ ମହାନ୍ତି ଯୋଗଦେଇ ବରିଷ୍ଠ ନାଗରିକଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଏହି ଅବସରରେ ହାଟଡିହି ବରିଷ୍ଠ ନାଗରିକ ପରିଷଦ ଗଠନ କରାଯିବା ସହିତ ଏହାର ସଭାପତି ଭାବେ ସୁରେନ୍ଦ୍ର ନାଥ ବାରିକ, ଉପସଭାପତି ଭାବେ ଘନଶ୍ୟାମ ପହି, ନାରାୟଣ ଦାସ, ସମ୍ପାଦକ ଭାବେ ଗୋଲେଖ ବିହାରୀ ନାୟକ, ସହ ସମ୍ପାଦକ ଭାବେ ଶାନ୍ତିଲତା ନାୟକ, କୋଷାଧ୍ୟକ୍ଷ ଭାବେ କାମପାଳ ନାୟକ ଓ କାର୍ଯ୍ୟକାରୀ ସଦସ୍ୟ ଭାବେ ଇନ୍ଦ୍ରମଣି ଜେନା, ରମାନାଥ ମଲ୍ଲିକ, ଭଗବତୀ ନାୟକ, ଭଗବାନ ପ୍ରସାଦ ସାହୁ, ରଘୁନାଥ ଦ୍ୱିବେଦୀ ପ୍ରମୁଖ ମନୋନୀତ ହୋଇଥିଲେ । ଏହି ବୈଠକରେ କଳ୍ପତରୁ ସେଠୀ, ଅନୁସୁୟା ସେଠୀ, ବିଷ୍ଣୁ ପ୍ରସାଦ ବେହେରା, ସୁଦାମ ନାୟକ, ନୃଷିହଂ ଚରଣ ସେଠୀ, କାଶୀନାଥ ନାୟକ, କାଳନ୍ଦି ଚକ୍ରଙ୍କ ସମେତ ଶତାଧିକ ବରିଷ୍ଠ ନାଗରିକ ଯୋଗଦେଇଥିଲେ ।