ହାଟଡିହି ବ୍ଲକ କଳା ସଂସ୍କୃତି ସଂଘର ନୂତନ କର୍ମକର୍ତ୍ତା ନିର୍ବାଚିତ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ କଳାସଂସ୍କୃତି ସଂଘର କାର୍ଯ୍ୟକାରିଣୀ କମିଟିର ନୁତନ କର୍ମକର୍ତ୍ତା ଚ଼ୟନ କରାଯାଇଛି। ଆଜି ବ୍ଳକ ପରିସରରେ ବିଡିଓ ସୌମ୍ୟଶ୍ରୀ ପାଣିଗ୍ରାହୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ବି.ଏସଏସଓ ସ୍ୱାତୀଶ୍ରୀ ସିଂଙ୍କ ଉପସ୍ଥିତରେ ଏହି ସଂଘର ନୂତନ କର୍ମକର୍ତ୍ତା ଗଣତାନ୍ତ୍ରିକ ଉପାୟରେ ଚ଼ୟନ କରାଯାଇଥିଲା। ଏଥିରେ ସଭାପତି ଭାବେ ବି.ଡ଼ି.ଓ, ବ୍ଲକ ସାମାଜିକ ସୁରକ୍ଷା ଅଧିକାରୀ ଓ ମହିଳା ଓ ଶିଶୁ ବିକାଶ ଅଧିକାରିଣୀ ଅଫିସିଆଲ ସଦସ୍ୟଭାବେ ରହିଥିବା ବେଳେ ଉପସଭାପତି ଭାବେ କୁମୁଦୁନୀ ପଣ୍ଡା ନିର୍ବାଚିତ ହୋଇଛନ୍ତି। କମିଟିର କାର୍ଯ୍ୟକାରୀ ସଦସ୍ୟ ଭାବେ ଗାୟକ ନାରାୟଣ ଜେନା, ପାର୍ବତୀ ଖଣ୍ଡେଇ, ସିପୁନୁ କୁମାର ନନ୍ଦ, ଶଙ୍କର୍ଷଣ ମିଶ୍ର, ଉପେନ୍ଦ୍ର ମିଶ୍ର, ହଟକେଶ୍ଵର ଜେନା ପ୍ରମୁଖ ମନୋନୀତ ହୋଇଥିଲେ। ଏହି ବୈଠକରେ ରତ୍ନାକର ଦାସ, ବାବାଜି ଚ଼ରଣ ଜେନା, ଦିବାକର କାରିକ, କିଶୋରଚ଼ନ୍ଦ୍ର ମହାନ୍ତି, ପର୍ଶୁରାମ ଦାସ, ଅନନ୍ତ ଚ଼ରଣ ପଣ୍ଡା, ଗୋପୀନାଥ ଦ୍ୱିବେଦୀ, ତପୋଧନ ଆୟଚ଼, ରମାକାନ୍ତ ଶଙ୍ଖୁଆ ପ୍ରମୁଖଙ୍କ ସମେତ ୫୫ଗୋଟି କଳା ଅନୁଷ୍ଠାନର କର୍ମକର୍ତ୍ତା ମାନେ ଅଂଶ ଗ୍ରହଣ କରିଥିଲେ। ବିଡିଓ ସୌମ୍ୟଶ୍ରୀ ପାଣିଗ୍ରାହୀ ନବନିର୍ବାଚିତ ସଦସ୍ୟମାନଙ୍କୁ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ୱାଗତ ଜଣାଇଥିଲେ। ବ୍ଲକ ସାମାଜିକ ସୁରକ୍ଷା ସହାୟକ ଏସ.ପ୍ରତିକ ଆନନ୍ଦ କାର୍ଯ୍ୟକ୍ରମ ପରିଚାଳନା କରିଥିଲେ।