ହାତୀଦାନ୍ତ କାରବାରରେ ସଂପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କଲା ବନ ବିଭାଗ

ହାଟଡ଼ିହି, (ବିକାଶ ବିଶ୍ୱାଳ):ହାତୀଦାନ୍ତ କାରବାରରେ ସଂପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କଲା ବନ ବିଭାଗ। ଗତକାଲି ରାତିରେ ହାତଡ଼ିହି ବ୍ଲକ ପଞ୍ଚୁଗୋଛିଆ ପଞ୍ଚାୟତ ଟିକିରା ଗ୍ରାମରେ ଅତର୍କିତ ଚଢ଼ାଉ କରି ଗ୍ରାମର ବିଶ୍ୱନାଥ ଜେନା ନାମକ ଜଣେ ଯୁବକଙ୍କୁ ଗିରଫ କରିଥିବା ବେଳେ ବିଳମ୍ବିତ ରାତିରେ ଟମକା ଅଞ୍ଚଳରୁ ଅନ୍ୟ ଜଣେ ଅଭିଯୁକ୍ତକୁ ଗିରଫ କରିଥିଲେ। ଉଭୟଙ୍କୁ ଅଧିକ ପଚରା ଉଚୁରା କରାଯାଉଥିବା ଏସିଏଫ ସୂଚନା ଦେଇଛନ୍ତି। ଗତ ଜାନୁୟାରୀ ମାସରେ ଏକ ଘଟଣାରେ ବନ ବିଭାଗ ହାତୀଦାନ୍ତ ଜବଦ କରି ଜଣକୁ ଗିରଫ କରିଥିଲା । ଅଭିଯୁକ୍ତର ସୂଚନା ଆଧାରରେ ବନ ବିଭାଗ ଅଧିକ ତଦନ୍ତ ଚଳାଇ ଏହି ଅଭିଯୁକ୍ତ ମାନଙ୍କୁ ଗିରଫ କରିଥିବା ଏସିଏଫ ଅଶୋକ ବିଶ୍ୱାଳ କହିଛନ୍ତି। ଏହି ଚଢ଼ାଉରେ ଏ.ସି.ଏଫଙ୍କ ସମେତ ହଦଗଡ଼ ରେଞ୍ଜର ମାର୍ଶାଲ କିସ୍କୁ, ଆନନ୍ଦପୁର ରେଞ୍ଜର ନବ କିଶୋର ନାୟକ, ଦେଓଗାଁ ରେଞ୍ଜର ଉମାକାନ୍ତ ଦାସଙ୍କ ସମେତ ବନ ବିଭାଗର କର୍ମଚାରୀ ମାନେ ସାମିଲ ହୋଇଥିଲେ।