ହାତୀ ଆକ୍ରମଣରେ ୧ ମୃତ ୨ ଶିଶୁ ଗୁରୁତର
କେନ୍ଦୁଝର ,(ଯୁଗାବ୍ଦ ନ୍ୟୁଜ୍) : କେନ୍ଦୁଝରରେ ହାତୀ ଆତଙ୍କ । ଚମ୍ପୁଆ ରେଞ୍ଜରେ ଗୋଠ ଛଡା ଦନ୍ତାହାତୀର ଦବଙ୍ଗଗିରି ଜାରୀ ରହିଛି । ଗତକାଲି ବିଳମ୍ଭିତ ରାତିରେ ସ୍ୱାମୀ ଓ ସ୍ତ୍ରୀ ସମେତ ୩ ଶିଶୁ ଶୋଇଥିଲେ । ଚମ୍ପୁଆ ରେଞ୍ଜରୁ ଦନ୍ତାହାତୀ ଟି ରାତିରେ ଘରର କବାଟ ଭାଙ୍ଗି ବାପା ମା ଙ୍କ କୋଳ ରେ ଶୋଇଥିବା ୭ ବର୍ଷ ର ଝିଅକୁ ଘୋଷାଡି ନେଇ ଦଳି ଚକଟି କଚାଡି ମାରିଥିବା ଜଣା ପଡ଼ିଛି । ଚମ୍ପୁଆ ରେଞ୍ଜ ମାଲଦା ଗାଁର ବାଜିୟା ମୁଣ୍ଡା ତାଙ୍କ ସ୍ତ୍ରୀ ଓ ୩ ଛୁଆ ଘରେ ସୋଇଥିବା ବେଳେ ଗୋଠ ଛଡା ଦନ୍ତା କବାଟ ଭାଙ୍ଗି ଜଣେ ଶିଶୁ କୁ ମାରିଥିବା ବେଳେ ଆଉ ଦୁଇ ଶିଶୁ ଙ୍କୁ ଗୁରୁତର କରିପକାଇଛି । ମଙ୍ଗଳ ବାର ରାତିରେ ଗୋଠ ଛଡା ଦନ୍ତା ଟି କାସିୟା ଓ କେନ୍ଦୁଘାଟି ଗ୍ରାମରେ ୫ ଟି ଘର ଭାଙ୍ଗିବା ସହ ଅନ୍ଧାରି ଖମଣ୍ଡ ଜଙ୍ଗଲରେ ଗତକାଲି ଦିନ ସାରା ଡେରା ପକାଇ ଥିଲା । ବନ ବିଭାଗ ଗତକାଲି ରାତି ୧୨ ପର୍ୟ୍ୟନ୍ତ ଜଗି ଥିବା ବେଳେ ସେମାନେ ଅନ୍ୟତ୍ର ସେଠାରୁ ଗଲା ପରେ ଦନ୍ତା ଟି ଏହି ଆକ୍ରମଣ କରିଥିବା ଜଣା ପଡିଛି । ସକାଳୁ ଜଙ୍ଗଲ ବିଭାଗ ଅଧିକାରୀ ପହଞ୍ଚି ତଦନ୍ତ ଜାରି ରଖିଛନ୍ତି । କେନ୍ଦୁଘାଟି, ଦଂଲା, କଲଣ୍ଡା ଆଦି ବିଭିନ୍ନ ଅଂଚଳରେ ତିନି ମାସ ମଧ୍ୟରେ ଜ୍ଝ ଏହି ଗୋଠ ଛଡା ଦନ୍ତା ୫ ରୁ ଉର୍ଦ୍ଧ୍ବ ଲୋକଙ୍କୁ ମାରିଥିବା ସୂଚନା ମିଳିଛି ।ପ୍ରକାଶ ଯେ ଉକ୍ତ ରେଞ୍ଜରେ ୨୫ ରୁ ଉର୍ଦ୍ଧ୍ବ ହାତୀପଲ ବିଚରଣ କରୁଛନ୍ତି । ଏଥି ମଧ୍ୟରୁ ଏକ ଗୋଠ ଛଡା ଦନ୍ତା ହାତୀଟି ତାର ଉତ୍ପାତ ଜାରି ରଖିଛି ।
