ହିମ ଝଡ଼ରେ ଫସି ରହିଛନ୍ତି ୩ ବିଦେଶୀଙ୍କ ସମେତ ୭୦ ପର୍ଯ୍ୟଟକ

ଶିମଲା : ହିମାଚଳପ୍ରଦେଶରେ ଗତ କିଛି ଦିନ ଧରି ହିମ ଝଡ଼ ଜାରି ରହିଛି। ତେବେ ରବିବାର ହିମ ଝଡ଼ ମାତ୍ରା ବୃଦ୍ଧି ପାଇବା ଯୋଗୁଁ ଜାତୀୟ ରାଜପଥ ୫ର କିବରରୁ କାଜା ମଧ୍ୟରେ ୩ ବିଦେଶୀଙ୍କ ସମେତ ୭୦ ଜଣ ପର୍ଯ୍ୟଟକ ଫସି ରହିଛନ୍ତି। ହିମ ଝଡ଼ ଯୋଗୁଁ ଯାତାୟତ ବାଧାପ୍ରାପ୍ତ ହୋଇଛି। କେତେକ ସ୍ଥାନରେ ରାସ୍ତା ବନ୍ଦ ହୋଇଯାଇଛି। ସଡ଼କକୁ ଖାଲି କରିବା ପାଇ ଅଭିଯାନ ଆରମ୍ଭ ହୋଇଛି।
ପ୍ରବଳ ମାତ୍ରାରେ ତୁଷାରପାତ, ବର୍ଷା ଓ ଝଡ଼ ଯୋଗୁଁ କୁଲୁ-ମନାଲି ରାଜପଥ ବନ୍ଦ ହୋଇଯାଇଛି। କେତେକ ସ୍ଥାନରେ ହିମସ୍ଖଲନ ଓ ଭୂସ୍ଖଳନ ହୋଇଥିବାର ଖବର ମିଳିଛି। ଚୀନ-ଭାରତ ସୀମା ପ୍ରକୃତ ନିୟନ୍ତ୍ରଣ ରେଖା ନିକଟରେ ତୁଷାର ପାତ ଯୋଗୁଁ ଫସି ରହିଥିବା ୫ ଯବାନଙ୍କ ଏପର୍ଯ୍ୟନ୍ତ କୌଣସି ପତ୍ତା ମିଳିନାହିଁ। ସେନା ଏବଂ ଆଇଟିବିପିର ୨୫୦ ଯବାନଙ୍କ ଉଦ୍ଧାର ତଲାସୀ ଅଭିଯାନ ଜାରି ରହିଛି ବୋଲି ସେନାର ଜଣେ ଅଧିକାରୀ ସୂଚନା ଦେଇଛନ୍ତି।