ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପକ୍ଷରୁ ପଶ୍ଚିମବଙ୍ଗରେ ନକଲି ଇଞ୍ଜିନ ଅଏଲ୍ ସମସ୍ୟାର ମୁକାବିଲା ଲାଗି ବଳିଷ୍ଠ ପଦକ୍ଷେପ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଗ୍ରାହକମାନଙ୍କ ସ୍ୱାର୍ଥର ସୁରକ୍ଷା ଏବଂ ହୋଣ୍ଡା ବ୍ରାଣ୍ଡ୍ ପ୍ରତି ବିଶ୍ୱାସନୀୟତାକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ (ଏଚ୍ଏମ୍ଏସ୍ଆଇ) ପକ୍ଷରୁ ପଶ୍ଚିମବଙ୍ଗରେ ନକଲି ଇଞ୍ଜିନ ଅଏଲ୍ ଉତ୍ପାଦନ ଓ ବଂଟନ ଉପରେ ଚଢ଼ଉ କରାଯାଇଥିଲା । କଂପାନିର ବୌଦ୍ଧିକ ସଂପତି ଟିମ୍ ତରଫରୁ କରାଯାଇଥିବା ଏହି ଚଢ଼ଉରେ କୋଲକାତାରେ ଏକ ବେଆଇନ ଯୋଗାଣ ଶୃଙ୍ଖଳ ବ୍ୟବସ୍ଥାକୁ ସଫଳତାର ସହ ନିସ୍କ୍ରିୟ କରାଯାଇଥିଲା ।କୋଲକାତା ପୋଲିସ ଓ ଅନ୍ୟାନ୍ୟ ଆଇନ ପ୍ରଣୟନକାରୀ ଏଜେନ୍ସି ସହଯୋଗରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ଏବଂ ଏଥିରେ ନକଲି ଇଞ୍ଜିନ ଅଏଲ୍ ଉତ୍ପାଦନ ଓ ବଂଟନ କରୁଥିବା ସଂସ୍ଥାଗୁଡ଼ିକୁ ନଜରରେ ରଖାଯାଇଛି । ଏହି ନକଲି ଉତ୍ପାଦଗୁଡ଼ିକ ଗାଡ଼ିର ପ୍ରଦର୍ଶନ ଓ ସୁରକ୍ଷା ପ୍ରତି ଏକ ବିପଦ ଥିଲା । ଜୋରାସାଙ୍କୋ, ମିଳମଣିମିତ୍ର ଓ ପଟିଆଟଲୋଆ ଲେନ୍ ଭଳି କୋଲକାତାର ତିନିଟି ସ୍ଥାନରେ ଏହି ଚଢ଼ଉ କରାଯିବା ସହ ନକଲି ଲୁବ୍ରିକାଂଟ, ଡ୍ରାଏ କାଷ୍ଟ ଉପକରଣ, ପ୍ରିଟିଂ ପ୍ଲେଟ୍, ପ୍ୟାକେଜିଂ ଉପକରଣ, ଲାବେଲ୍ ଏବଂ ଖାଲି କଂଟେନର ଭଳି ୮୦୦୦ରୁ ଅଧିକ ନକଲି ଉତ୍ପାଦ ଜବତ କରାଯାଇଥିଲା ।ଉତ୍ପାଦର ସତ୍ୟତା ଏବଂ ଗୁଣବତା ସୁନିଶ୍ଚିତ କରିବାକୁ ଅତୁଟ ପ୍ରତିବଦ୍ଧତାର ଏହି ପଦକ୍ଷେପ । ନକଲି ଇଞ୍ଜିନ୍ ଅଏଲ ସହିତ ଜଡିତ ବିପଦକୁ କଂପାନି ସ୍ୱୀକାର କରିଛି ଯାହା ଇଞ୍ଜିନର କ୍ଷତି, ଇନ୍ଧନ ଦକ୍ଷତା ହ୍ରାସ ଏବଂ ନିର୍ଗମନ ବୃଦ୍ଧି କରିବା ସହ ଯାନର ନିରାପତା ଏବଂ କାର୍ଯ୍ୟଦକ୍ଷତା ସହ ବୁଝାମଣା କରିପାରେ ।ବେଆଇନ ଯୋଗାଣ ଶୃଙ୍ଖଳାକୁ ବ୍ୟାହତ କରି ଏଚ୍ଏମ୍ଏସ୍ଆଇ ଏହାର ଗ୍ରାହକମାନଙ୍କୁ ନକଲି ଉତ୍ପାଦର ବିପଦରୁ ରକ୍ଷା କରିବା ଏବଂ ଅସଲି ଇଞ୍ଜିନ୍ ଅଏଲ୍ ବ୍ୟବହାର କରିବାର ଗୁରୁତ୍ୱକୁ ସୁଦୃଢ଼ କରିବାକୁ ଲକ୍ଷ୍ୟ ରଖିଛି । କମ୍ପାନି ଗ୍ରାହକମାନଙ୍କୁ ସତର୍କତା ଅବଲମ୍ବନ କରିବାକୁ ଅନୁରୋଧ କରୁଛି ଏବଂ ସେମାନଙ୍କ ଗାଡ଼ିର ସୁରକ୍ଷା ନିଶ୍ଚିତ କରିବା ପାଇଁ ଅଧିକୃତ ଡିଲର ଏବଂ ବିତରକଙ୍କଠାରୁ ଉତ୍ପାଦ କ୍ରୟ କରିବାକୁ ଅନୁରୋଧ କରିଛି । ଏଚଏମଏସଆଇର ଏହି ସକ୍ରିୟ ପଦକ୍ଷେପ କେବଳ ଗ୍ରାହକଙ୍କ ସୁରକ୍ଷା ପ୍ରତି ବ୍ରାଣ୍ଡର ସମର୍ପଣକୁ ଦର୍ଶାଉ ନାହିଁ ବରଂ ଜାଲିଆତିକାରୀଙ୍କ ପାଇଁ ଏକ କଠୋର ଚେତାବନୀ ଭାବରେ ମଧ୍ୟ କାର୍ଯ୍ୟ କରୁଛି । ପଶ୍ଚିମବଙ୍ଗରେ ଏହି ବେଆଇନ କାର୍ଯ୍ୟକୁ ଉଚ୍ଛେଦ କରିବା ହୋଣ୍ଡା ଗ୍ରାହକଙ୍କ ପାଇଁ ଏକ ସୁରକ୍ଷିତ ଏବଂ ବିଶ୍ୱସନୀୟ ଅନୁଭୂତି ସୁନିଶ୍ଚିତ କରିବା ସହିତ ଉତ୍ପାଦର ଗୁଣବତା ଏବଂ ପ୍ରାମାଣିକତାର ସର୍ବୋଚ୍ଚ ମାନଦଣ୍ଡ ବଜାୟ ରଖିବା ପାଇଁ କମ୍ପାନୀର ପ୍ରତିବଦ୍ଧତାକୁ ପ୍ରତିଫଳିତ କରୁଛି ।
