ୟୁରୋ ସ୍କୁଲ ପରିସରରେ ଜାତୀୟ ସମ୍ବିଧାନ ଦିବସ ପାଳିତ

ଛତ୍ରପୁର, (ଦେବଦତ୍ତ ମହାରଣା):ସ୍ଥାନୀୟ ଜେଲ ରୋଡ୍ ନିକଟରେ ଥିବା ଦି ନ୍ୟୁ ଏଜ ୟୁରୋ ସ୍କୁଲ ପରିସରରେ ଜାତୀୟ ସମ୍ବିଧାନ ଦିବସ ମହା ସମାରୋହରେ ପାଳିତ ହୋଇଯାଇଛି । ଭାରତର ସମ୍ବିଧାନ ବିଷୟରେ କମ ବୟସରୁ ଛାତ୍ରଛାତ୍ରୀ ମାନଙ୍କ ଜ୍ଞାନ ଅହୋରଣ କରିବା ପାଇଁ ସ୍କୁଲ ପକ୍ଷରୁ ଏହା ଏକ ନିଆରା ଉଦ୍ୟମ ଆରମ୍ଭ କରାଯାଇଛି । ସ୍କୁଲର ମୁଖ୍ୟ ପୃଷ୍ଠପୋଷକ ସସ୍ମିତା ମହାପାତ୍ରଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରିନ୍ସିପାଲ ପ୍ରମୋଦ କୁମାର ମିଶ୍ର ଏବଂ ସମସ୍ତ ଶିକ୍ଷକ ଶୀକ୍ଷୟତ୍ରୀ ମାନେ ଯୋଗ ଦେଇ ଆଜିର ଦିବସରେ ଭାରତର ସମ୍ବିଧାନ ବିଷୟରେ ଛାତ୍ରଛାତ୍ରୀ ମାନଙ୍କୁ ଆଲୋକପାତ କରିଥିଲେ । ଏହି ଅବସରରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତି ଛାତ୍ରଛାତ୍ରୀ ମାନଙ୍କୁ ମାନପତ୍ର ସହିତ ପୁରସ୍କାର ପ୍ରଦାନ କରାଯାଇଥିଲା ।