ୟୁସ ଲେସ କ୍ଳବର ପ୍ରୟାସ-୨୦୨୫ ଉନ୍ମଚିତ
ନବରଙ୍ଗପୁର,(ୱାଇଏନଏସ ): ୟୁସଲେସ କ୍ଳବ, ନବରଙ୍ଗପୁର ତରଫରୁ ୧୯୯୧ ମସିହା ଠାରୁ ନିରବଛିନ୍ନ ଭାବେ ପ୍ରକାଶିତ ବାର୍ଷିକ ମୁଖପତ୍ର ପ୍ରୟାସ -୨୦୨୫ ର ପଞ୍ଚତିରିଶି ତମ ସଂକଳନ ସ୍ଥାନୀୟ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ଠାରେ ଉନ୍ମୋଚିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଉପଜିଲ୍ଲାପାଳ ଶ୍ରୀଯୁକ୍ତ ପ୍ରକାଶ କୁମାର ମିଶ୍ର ଯୋଗ ଦେଇ ପ୍ରୟାସ -୨୦୨୫ ର ଶୁଭ ଉନ୍ମୋଚନ କରିଥିଲେ। ଏହି ଅବସରରେ ଡ୍ର. ଜଗନ୍ନାଥ ରାଉତ ଏବଂ ଡ୍ର. ବିଜୟ କୁମାର ମିଶ୍ର ଙ୍କୁ ପ୍ରୟାସ ସମ୍ମାନ ଏବଂ ଶ୍ରୀ ବିଜୟ ଚୌଧୁରୀ ଙ୍କୁ ଲଳିତ ସ୍ମୃତି ସମ୍ମାନ ରେ ସମ୍ବର୍ଦ୍ଧିତ କରାଯାଇଥିଲା l ଏହି ସାରସ୍ୱତ କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ପିଏ ଆଇଟିଡିଏ ଶ୍ରୀ ରାଜୀବ କୁମାର ସାହୁ ଏବଂ ସହକାରୀ ଜିଲ୍ଲାପାଳ ଆଶୁତୋଷ ପାତ୍ର, ସଂମ୍ମାନିତ ଅତିଥି ଏବଂ ଡ୍ର. ପ୍ରଦୀପ କୁମାର ମିଶ୍ର ମୁଖ୍ୟ ବକ୍ତା ରୂପେ ଯୋଗ ଦେଇଥିଲେ l କାର୍ଯ୍ୟକ୍ରମ କୁ କ୍ଲବ ର ଅଧକ୍ଷ ଶ୍ରୀ ରାକେଶ ଗୁପ୍ତା ପରିଚାଳନା କରିଥିବାବେଳେ ସ୍ୱାଗତ ଓ ପରିଚୟ ପ୍ରଦାନ ଡ୍ର. ଓଁକାର ପଟ୍ଟନାୟକ ତଥା ସନ୍ଦୀପ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମ ରେ ଏକ କବିତା ପାଠୋତ୍ସବ ଆୟୋଜନ କରାଯାଇଥିଲା ଯାହାକୁ ଶ୍ରୀ ସ୍ମୃତି ପଣ୍ଡା ଏବଂ ଶ୍ରୀମତୀ ବିଷ୍ନୁପ୍ରିୟା କରସୁଧା ପଟ୍ଟନାୟକ ସଂଯୋଜନା କରିଥିଲେ ଏବଂ ପ୍ରାୟ ୪୦ ରୁ ଅଧିକ କବି ନିଜର କବିତା ପାଠ କରିଥିଲେ l ଏହି କାର୍ଯ୍ୟକ୍ରମ ରେ ଶ୍ରୀ ଯୁଗଳ କିଶୋର ତ୍ରିପାଠୀ ଏବଂ ତାଙ୍କ କଳାକାର ମାନେ ସ୍ୱାଗତ ସଂଗୀତ ପରିବେଷଣ କରିଥିଲେ ଏବଂ କ୍ଲବ ର ସଦସ୍ୟ ଶ୍ରୀ ଅରୁଣ କୁମାର, ଶ୍ରୀ ଟି ଶ୍ରୀପତି, ଦୁଷ୍ମନ୍ତ ମହାନ୍ତି ଏବଂ ଜଗନ୍ନାଥ ବେହେରା ସମସ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ l ନବରଙ୍ଗପୁର ସହର ତଥା ଜୟପୁର ଏବଂ ଅନ୍ୟ ସହର ରୁ ଅନେକ କବି, ଲେଖକ, ବିଦ୍ଧିଜୀବୀ, ସାମ୍ବାଦିକ ଯୋଗ ଦେଇ କାର୍ଯ୍ୟକ୍ରମ ର ମାନ ବୃଦ୍ଧି କରିଥିଲେ ଏବଂ କ୍ଲବ ର କାର୍ଯ୍ୟକ୍ରମ କୁ ନେଇ ପ୍ରଶଂସା କରିଥିଲେ ।
