୧୦ ଗ୍ରାମ ବ୍ରାଉନ ସୁଗାର ଜବତ , ଯୁବକ ଗିରଫ

ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା କାକଟପୁର ଥାନା ଅନ୍ତର୍ଗତ ଖଣ୍ଡାସାହି ନଦୀବନ୍ଧ ନିକଟରୁ ଜଣେ ବ୍ରାଉନ ସୁଗାର ବ୍ୟବସାୟୀ କୁ ଗିରଫ କରିଛି କାକଟପୁର ଥାନା ପୋଲିସ । ବିଶେଷ ସୂତ୍ରରୁ ଖବର ପାଇଁ କାକଟପୁର ଥାନାଧିକାରୀ ଉମେଶ ଚନ୍ଦ୍ର ସ୍ୱାଇଁଙ୍କ ନେତୃତ୍ୱରେ ଏସଆଇ ପ୍ରିୟା ପ୍ରଧାନ, ଏ ଏସ ଆଇ ପ୍ରମୋଦ କୁମାର ସେଠୀ, କନେଷ୍ଟବଳଅଜିତବେହେରା ,ରାଜକିଶୋର ଗୋଛାୟତ ଙ୍କ ସମେତ ଏକ ଟିମ୍ ଖଣ୍ଡାସାହି ନଦୀ ବନ୍ଧରେ ଛକି ବସିଥିଲେ । ଜଣେ ଯୁବକ ଶିଖର ଘାଟ ପଟୁ ଖଣ୍ଡାସାହି ଛକକୁ ଚାଲି ଚାଲି ଆସୁଥିବା ଦେଖି ପୂର୍ବରୁ ଛକି ବସିଥିବା ପୋଲିସ ଟିମ ତାଙ୍କୁ ମାଡି ବସିଥିଲା। ଗିରଫ ଅଭିଯୁକ୍ତ ହେଲେ ଖଣ୍ଡାସାହି ଗ୍ରାମର ନିଲୁ ଓରଫ ସୁରେନ୍ଦ୍ର କୁମାର ସ୍ୱାଇଁ (୩୭)।ତାଙ୍କ ନିକଟରୁ ପୋଲିସ ୧୦ ଗ୍ରାମ ୪୦୦ ମିଲିଗ୍ରାମ ବ୍ରାଉନ ସୁଗାର ଜବତ କରିବା ସହ ଏକ ମୋବାଇଲ ଫୋନ ଜବତ କରିଥିଲା । ଏ ସଂକ୍ରାନ୍ତ ରେ କାକଟପୁର ଥାନା ଦଫା ୨୧ ବି, ଏନ ଡି ପି ଏସ ଦଫା ରେ ଏକ ମାମଲା ରୁଜୁ କରାଯାଇଛି।କାକଟପୁର ଥାନା କେଶ ନମ୍ବର ୧୭/୨୪। ପୋଲିସ ଅଭିଯୁକ୍ତ ଯୁବକ କୁ କୋର୍ଟ ଚାଲାଣ କରିଛି । ଜବତ ବ୍ରାଉନ ସୁଗାର ର ଆନୁମାନିକ ମୂଲ୍ୟ ପ୍ରାୟ ୧ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି। କାକଟପୁର ଅଞ୍ଚଳରେ ଦିନକୁ ଦିନ ବ୍ରାଉନ ସୁଗାର କାରବାର ବୃଦ୍ଧି ପାଇ ଅନେକ ଯୁବପିଢି ଙ୍କୁ ପଥଭ୍ରଷ୍ଟ କରୁଥିବାବେଳେ ଅବକାରୀ ବିଭାଗ ର ନିଷ୍କ୍ରିୟତା ସାଧାରଣରେ ଅସନ୍ତୋଷ ସୃଷ୍ଟି କରିଛି।