୧୨୫ ଲିଟର ମଦ ଜବତ ୨ ମହିଳାଙ୍କ ସମେତ ୪ ଅଭିଯୁକ୍ତ ଗିରଫ

ଦିଗପହଣ୍ଡି,(ଅଳକ ନାଥ ମିଶ୍ର): ଦିଗପହଣ୍ଡି ବଡ଼ ଡୁମ୍ବୁଳା ପଞ୍ଚାୟତ ଦଲି ମହୁଲପଡ଼ା ଗ୍ରାମରେ ଚଢ଼ାଉ କରି ଚିକିଟି ଅବକାରୀ ରେଞ୍ଜ ଇନ୍ସପେକ୍ଟର ସଞ୍ଜୟ କୁମାର ପଣ୍ଡା  ନକୁଳ ମଲ୍ଲିକ ଙ୍କୁ ବୁଧବାର ସକାଳ ପ୍ରାୟ ୭ ଟାରେ ଗିରଫ କରିଛନ୍ତି।ତାଙ୍କ ନିକଟରୁ ୪୦ ଲିଟର ଦେଶୀ ମଦ ଜବତ କରାଯାଇଛି। ଚିକିଟି ଅବକାରୀ ରେଞ୍ଜ କାର୍ଯ୍ୟାଳୟ ଅବକାରୀ ମାମଲା ନଂ.୬୨/୨୪-୨୫ ଅନୁଯାୟୀ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ସେହିପରି ଗ୍ରାମର ପୂର୍ଣ୍ଣ ମଲ୍ଲିକ ଙ୍କ ନିକଟରୁ ୧୫ ଲିଟର ଦେଶୀମଦ ଜବତ କରାଯାଇଛି। ଅବକାରୀ ମାମଲା ନଂ.୬୩/୨୪-୨୫ ଅନୁଯାୟୀ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଛି। ବିରିବାଡ଼ିଆ ଗ୍ରାମର ରଶ୍ମିତା ପାତ୍ର ଙ୍କୁ ଗିରଫ କରି ତାଙ୍କ ନିକଟରୁ ୩୦ ଲିଟର ଦେଶୀମଦ ଜବତ କରାଯାଇ ମାମଲା ନଂ.୬୪/୨୪-୨୫ ଅନୁଯାୟୀ କୋର୍ଟ ଚାଲାଣ କରାଯାଇଛି।  ସେହିପରି ଦିଗପହଣ୍ଡି ଅବକାରୀ ଓଆଇସି ଅନିତା ପ୍ରଧାନ ଗ୍ରାମର ନମିତା ମଲ୍ଲିକ ଙ୍କୁ ଗିରଫ କରି ତାଙ୍କ ନିକଟରୁ ୨୦ ଲିଟର ଦେଶୀମଦ ଜବତ କରି ଅବକାରୀ ଥାନା ମାମଲା ନଂ.୧୫୯/୨୪-୨୫ ଅନୁଯାୟୀ କୋର୍ଟ ଚାଲାଣ କରିଛନ୍ତି।ପରେ ସିଦ୍ଧେଶ୍ୱର ଗ୍ରାମରେ ଚଢ଼ାଉ କରି ସିମାଞ୍ଚଳ ସାହୁ ଙ୍କ ଠାରୁ ୨୦ ଲିଟର ଦେଶୀମଦ ଜବତ କରି ମାମଲା ନଂ.୧୫୮/୨୪-୨୫ ଅନୁଯାୟୀ କୋର୍ଟ ଚାଲାଣ କରାଯାଇଛି।