୨୦ ତମ ନିମାପଡ଼ା ପ୍ରିମିୟର ଲିଗ ବଳଙ୍ଗାର ଲଙ୍କେଶ୍ଵରୀ କ୍ଲବ ବିଜୟୀ
ନିମାପଡ଼ା, (ସନ୍ତୋଷ ଦାଶ):ନିମାପଡା ବାରବାଟି ପଡ଼ିଆରେ ନିମାପଡ଼ା ଆଥଲେଟିକ୍ ଆସୋସିଏସନ୍ ପକ୍ଷରୁ ଆୟୋଜିତ ୨୦ତମ ନିମାପଡ଼ା ପ୍ରିମିୟର ଲିଗ୍ ଫୁଟବଲ ଟୁର୍ଣ୍ଣାମେଣ୍ଟର ସପ୍ତମ ଦିବସରେ ପରଷ୍ପରକୁ ଭେଟି ଥିଲେ ବଳଙ୍ଗାର ଲଙ୍କେଶ୍ଵରୀ କ୍ଲବ ଏବଂ ନୟାହାଟର ୟୁନାଇଟେଡ଼ କ୍ଲବ।ଲଙ୍କେଶ୍ଵରୀ କ୍ଲବ ୩-୦ ଗୋଲରେ ୟୁନାଇଟେଡ଼ କ୍ଲବକୁ ପରାସ୍ତ କରିଥିଲା।ଲଙ୍କେଶ୍ଵରୀ କ୍ଲବର ପିନମୟ ଲେଙ୍କା ମ୍ୟାନ ଅଫ ଦି ମ୍ୟାଚ ହୋଇଥିଲେ।ଆଜି ଖେଳକୁ ସମର ବରାଳ,ସୁଶାନ୍ତ ରାଉତରାୟ ଓ ଜୟନ୍ତ ରାୟ ପରିଚାଳନା କରିଥଲେ।ପୂର୍ବତନ ଫୁଟବଲ ଖେଳାଳୀ ଗଦାଧର ସ୍ବାଇଁ,ପୂର୍ବତନ କାଉନସିଲର ପ୍ରଫୁଲ୍ଲ ମଲ୍ଲିକ,ଉପଦେଷ୍ଟା ମହେନ୍ଦ୍ର ସିଂ ଭାଟିଆ ପ୍ରମୁଖ ଅତିଥି ଭାବେ ଯୋଗ ଦେଇ ଥିଲେ।ବିଶ୍ଵଜିତ ମଲ୍ଲିକ,ଜୀତେଶ କାନୁନଗୋ, ସତ୍ୟଜିତ ଆଚାର୍ଯ୍ୟ ଓ ପ୍ରକାଶ ବରାଳ ପ୍ରମୁଖ ସହାୟତା କରିଥିଲେ।ଆସନ୍ତା କାଲି ନିମାପଡ଼ା ଆଥଲେଟିକ ଆସୋସିଏସନ୍ ଓ ଧଳେଶ୍ଵର ଫୁଟବଲ କ୍ଲବ ମଧ୍ୟରେ ଖେଳ ହେବ ବୋଲି ସମ୍ପାଦକ ଜିବନାନନ୍ଦ ମହାପାତ୍ର ସୂଚନା ଦେଇଛନ୍ତି।
