୨ ବିଧାୟକ ଓ ଜଣେ ସାଂସଦକୁ ବସାଇ ଗଜପତିରେ ଅଟୋ ଚଳାଇଲେ ମନ୍ତ୍ରୀ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ଠାରେ ଥିବା ଗଜପତି ଷ୍ଟାଡିୟମରେ ମତ୍ସ୍ୟ ଓ ପଶୁ ସମ୍ପଦ ବିକାଶ ମନ୍ତ୍ରୀ ଚଳାଇଲେ ଅଟୋ, ସାଙ୍ଗରେ ବସି ବୁଲିଲେ ସାଂସଦ ଓ ବିଧାୟକ । ଏଭଳି ଏକ ରୋଚକ ଦୃଶ୍ୟ ଦେଖ‌ିବାକୁ ମିଳିଥିଲା ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ଠାରେ ଚାଲିଥିବା ଜିଲାସ୍ତରୀୟ ମତ୍ସ୍ୟ ଓ ପ୍ରାଣସମ୍ପଦ ମେଳାର ଉଦଘାଟନୀ ଉତ୍ସବରେ । ମତ୍ସ୍ୟ ଓ ପଶୁ ସମ୍ପଦ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମେଳାରେ ଯୋଗଦେଇ ଚାଷୀଙ୍କୁ ଅଟୋ ବଣ୍ଟନ କରିଥିଲେ । ଏହି ସମୟରେ ମନ୍ତ୍ରୀ ନିଜେ ଅଟୋ ଚଳାଇଥିଲେ, ସାଙ୍ଗରେ ବସିଥିଲେ ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହି, ପାରଳାଖେମୁଣ୍ଡି ବିଧାୟକ ରୂପେଶପାଣିଗ୍ରାହୀ ଓ ମୋହନା ବିଧାୟକ ଦାଶରଥ୍ ଗମାଙ୍ଗ । ଏହାର ଚର୍ଚ୍ଚାର ବିଷୟ ପାଲଟିଛି ।