୨ ମିନିଟ ୧୧ ସେକେଣ୍ଡରେ ଗାନ କରାଯିବ ବନ୍ଦେ ଉତ୍କଳ ଜନନୀ

ଭୁବନେଶ୍ବର: ବନ୍ଦେ ଉତ୍କଳ ଜନନୀ ଅବଧି ନେଇ ସଂସ୍କୃତି ସଚିବ ସୂଚନା ଦେଇଛନ୍ତି। ୨ ମିନିଟ ୧୧ ସେକେଣ୍ଡ ଅବଧି ବିଶିଷ୍ଟ ହେବ ବନ୍ଦେ ଉତ୍କଳ ଜନନୀ। ରାଜ୍ୟ ସଙ୍ଗୀତ ଗାନ ବେଳେ ସମସ୍ତେ ଦଣ୍ଡାୟମାନ ହେବାକୁ ଥିବାରୁ ସଙ୍ଗୀତ ଗାନର ଅବଧିକୁ ହ୍ରାସ କରାଯାଇଛି। ପୂର୍ବରୁ ଏଇ ସଙ୍ଗୀତଗାନ ତିନି ମିନିଟ ହେବ ବୋଲି ସୂଚନା ରହିଥିଲା। ତେବେ ଗୀତର ସମସ୍ତ ୬ଟି ପଦ ପୂର୍ବବତ୍ତ ରଖାଯାଇଛି। ସମସ୍ତ ୬ ଟି ପଦର ଗାନ କରାଯିବ। ଧାଡିର ପୁନରାବୃତ୍ତି ହେବନି ବୋଲି ସୂଚନା ରହିଛି। ସଙ୍ଗୀତ ସୁଧାକର ବାଳକୃଷ୍ଣ ଦାଶଙ୍କ ଗାୟନ ଶୈଳୀରେ ବୋଲାଯିବ ବୋଲି ସୂଚନା ରହିଛି। ଏହା ସରକାରୀ ଢାଞ୍ଚା ହେବ, ସେଥିରେ ପରିବର୍ତ୍ତନ ହେବନି। ସେହି ଢାଞ୍ଚା ରେ ସମସ୍ତେ ଗାନ କରିବେ ବୋଲି କହିଛନ୍ତି ସଂସ୍କୃତି ସଚିବ।