୩ଦିନିଆ ତାଲିମ ପାଇଁ ଭଦ୍ରକ କୃଷି ବିଜ୍ଞାନ କେନ୍ଦ୍ର ଗଲେ ୫୦ଚାଷୀ
ହାଟଡ଼ିହି, (ବିକାଶ ବିଶ୍ୱାଳ):ହାଟଡ଼ିହି ବ୍ଲକ କୃଷି ବିଭାଗ ପକ୍ଷରୁ ବ୍ଲକର ୧୯ଗୋଟି ପଞ୍ଚାୟତରୁ ୫୦ଜଣ କୃଷକଙ୍କୁ ଆତ୍ମା ଯୋଜନାରେ ଅନ୍ତର୍ଭୁକ୍ତ କରାଯାଇ ୧୧ରୁ ୧୩ ଡ଼ିସେମ୍ବର ପର୍ଯ୍ୟନ୍ତ ୩ଦିନ ପାଇଁ କୃଷି ବିଜ୍ଞାନ କେନ୍ଦ୍ର ଭଦ୍ରକ ଠାରେ ରାଜ୍ୟ ତାଲିମ କାର୍ଯ୍ୟକ୍ରମ ଗ୍ରହଣ କରିବେ ବୋଲି ବିଭାଗୀୟ ଅଧିକାରୀ କହିଛନ୍ତି। ଇଣ୍ଟିଗ୍ରେଟେଡ୍ ଫାର୍ମିଂ ସିଷ୍ଟମର ବିଭିନ୍ନ ଦିଗ ଉପରେ ସେମାନଙ୍କୁ ତାଲିମ ଦିଆଯିବ | ଏହି କାର୍ଯ୍ୟକ୍ରମରେ ୧୩ ଜଣ ମହିଳା କୃଷକ ଏବଂ ୩୭ ପୁରୁଷ କୃଷକ ଯୋଗ ଦେଇଛନ୍ତି। କୃଷି ବିଜ୍ଞାନ କେନ୍ଦ୍ର ଭଦ୍ରକ ଠାରେ ଇଣ୍ଟିଗ୍ରେଟେଡ୍ ଫାର୍ମିଂ ସିଷ୍ଟମରେ ସାମ୍ପ୍ରତିକ ଅଗ୍ରଗତି ଶିଖିବାରେ ଏହା ସାହାଯ୍ୟ କରିବ। ଭଦ୍ରକ କୃଷି ବିଜ୍ଞାନ କେନ୍ଦ୍ରର ବରିଷ୍ଠ ଚାଷ ସମ୍ବନ୍ଧୀୟ ବୈଜ୍ଞାନିକ ଡ଼.ସଞ୍ଜୟ କୁମାର ମହାନ୍ତି, ହାଟଡ଼ିହି ବ୍ଲକ କୃଷି ଅଧିକାରୀ ଡ଼. ଦେବୀ ପ୍ରସନ୍ନ ଖୁଣ୍ଟିଆ, ସହ କୃଷି ଅଧିକାରୀ ଭାମାଞ୍ଜରୀ ମହାନ୍ତ, ସୋନାଲି ପ୍ରିୟଦର୍ଶିନୀ, କୃଷି ପରିଦର୍ଶକ ରଞ୍ଜିତ କୁମାର ସମଲ, ଆଗ୍ରିଲ ପର୍ଯ୍ୟବେକ୍ଷକ, ଅଶୋକ କୁମାର ବିଶ୍ୱାଳ, ଏଟିଏମ ମନ୍ମଥ କୁମାର ବିଶ୍ ଙ୍କ ସମେତ ଅଧିକାଂଶ କୃଷକ ସାଥି ମାନେ ସାମିଲ ହୋଇଛନ୍ତି ।
