୩୫୬ ଛାତ୍ରଛାତ୍ରୀ ଦେଲେ ତୃତୀୟଶ୍ରେଣୀ ବୃତ୍ତି ପରୀକ୍ଷା
ହାଟଡ଼ିହି, (ବିକାଶ ବିଶ୍ୱାଳ):କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକର ୬ଟି ପରୀକ୍ଷା କେନ୍ଦ୍ରରେ ୩ୟ ଶ୍ରେଣୀ ବୃତ୍ତି ପରୀକ୍ଷା ଅନୁଷ୍ଠିତ ହୋଇଯାଇଛି। ବ୍ଳକର ଶାଳଣିଆଁ, ହାଟଡ଼ିହି, ସୋସୋ, ବାଙ୍ଗୋର, ମରୈଗାଁ ଓ ବଡରମ୍ପାସ ଉଚ୍ଚ ପ୍ରାଥମିକ ବିଦ୍ୟାଳୟରେ ମୋଟ ୩୫୬ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ବେଳେ ୨୨ଜଣ ଅନୁପସ୍ଥିତ ଥିବା ଜଣାପଡ଼ିଛି। ଶାଳଣିଆଁ ଉଚ୍ଚ ପ୍ରାଥମିକ ବିଦ୍ୟାଳୟରେ ୩ୟ ଶ୍ରେଣୀ ବୃତ୍ତି ପରୀକ୍ଷା ପାଇଁ ମନୋନୀତ ୭୦ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ମୋଟ ୬୭ ଜଣ ପରୀକ୍ଷା ଦେଇଥିଲେ । ସେହିପରି ହାଟଡ଼ିହି ଉଚ୍ଚ ପ୍ରାଥମିକ ବିଦ୍ୟାଳୟରେ ୮୦ ଜଣ, ସୋସୋ ଉଚ୍ଚ ପ୍ରାଥମିକ ବିଦ୍ୟାଳୟରେ ୫୧ଜଣ, ବାଙ୍ଗୋର ଉଚ୍ଚ ପ୍ରାଥମିକ ବିଦ୍ୟାଳୟରେ ୫୨ ଜଣ, ମରୈଗାଁ ଉଚ୍ଚ ବିଦ୍ୟାଳୟରେ ୫୬ ଜଣ, ବଡରମ୍ପାସ ବିଦ୍ୟାଳୟରେ ୫୦ ଜଣ ପରୀକ୍ଷାର୍ଥ ପରୀକ୍ଷା ଦେଇଛନ୍ତି ବୋଲି ହାଟଡ଼ିହି ଗୋଷ୍ଠୀ ସହ ଶିକ୍ଷାଧିକାରୀ ପ୍ରମୋଦ କୁମାର ନାୟକ ସୂଚନା ଦେଇଛନ୍ତି । ଏହି ପରୀକ୍ଷା କେନ୍ଦ୍ରରେ ତତ୍ତ୍ବାବଧାରକ ଭାବେ ସେହିସବୁ ସ୍କୁଲର ପ୍ରଧାନଶିକ୍ଷକମାନେ ପରୀକ୍ଷା ପରିଚାଳନ କରିଥିବା ବେଳେ ଅନ୍ୟ ଶିକ୍ଷକ ଶିକ୍ଷୟିତ୍ରୀମାନେ ସେମାନଙ୍କୁ ସହଯୋଗ କରିଥିଲେ ।
