୩୭ ଟି ଷ୍ଟ୍ରିଟଲାଇଟ ଚୋରି

ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲାନିମାପଡ଼ା ଏ ନ ଏ ସି ଅନ୍ତର୍ଗତ ନିମାପଡ଼ା – ବଳଙ୍ଗା ମୁଖ୍ୟ ରାସ୍ତା ,ଜୟଶ୍ରୀ ଛକ ରୁ ଗାୟତ୍ରୀ ନଗର ,ନିହାର କୀରି ଠାରୁ କିଆ କଣ୍ଟା ଗ୍ରାମ ରାସ୍ତା କଡ଼ରେ ଥିବା ବିଦ୍ୟୁତ ଖୁଣ୍ଟ ରୁ ଷ୍ଟ୍ରିଟ ଲାଇଟ କେହି ଦୁବୁର୍ତ୍ତ ଚୋରିକରି ନେଇଥିବା ନିମାପଡ଼ା ଥାନାରେ ଅଭିଯୋଗ ହୋଇଛି ।ନିମାପଡ଼ା ଥାନା ଅଧିକାରୀ ଶଙ୍କର୍ଷଣ ଦଳାଇ ୩୭୭/୨୨ ରେ ଏକ ମାମଲା ରୁଜୁ କରି ତଦନ୍ତ ଚଳାଇଛନ୍ତି । ଅଭିଯୋଗ ରୁ ଜଣାଯାଏ ଯେ ,ଗତ କିଛି ଦିନ ମଧ୍ୟରେ ଉପରୋକ୍ତ ସ୍ଥାନ ରେ ଥିବା ବିଦ୍ୟୁତ ଖୁଣ୍ଟ ରୁ ୩୭ ଟି ଷ୍ଟିଟ ଲାଇଟ୍ ଚୋରି ହୋଇଯାଇଛି ।ଚୋରି ହୋଇଥିବା ଲାଇଟ୍ ଗୁଡ଼ିକର ମୂଲ୍ୟ ୩୭ ହଜାର ଟଙ୍କା ରୁ ଉର୍ଦ୍ଧ ହେବ ବୋଲି ଅଭିଯୋଗ ଫର୍ଦ୍ଦ ରେ ଦର୍ଶାଯାଇଛି । ଷ୍ଟ୍ରିଟଲାଇଟ ଦାୟିତ୍ୱ ରେ ଥିବା ଲାଇନମ୍ୟାନ ହରି ଦାସ ଥାନାରେ ଅଭିଯୋଗ କରିବା ଶହ ଏ ନ ଏସି କାର୍ଯ୍ୟନିର୍ବାହୀ ସରୋଜ ଆଚାର୍ଯ୍ୟ ଙ୍କୁ ଅବଗତ କରିଛନ୍ତି । ଏ ନ ଏସି ର ବିଭିନ୍ନ ୱାର୍ଡ ରେ ଥିବା ବିଦ୍ୟୁତ ଖୁଣ୍ଟ ଗୁଡ଼ିକ ରୁ ବିଭିନ୍ନ ସମୟରେ ବହୁ ପରିମାଣର ଷ୍ଟ୍ରିଟ ଲାଇଟ ଚୋରି ହେବାରୁ ୱାର୍ଡ ର ମୁଖ୍ୟ ରାସ୍ତା ଅନ୍ଧକାର ହୋଇଯାଉଛି ।ଏହାର ସୁଯୋଗ ନେଇ ବହୁ ଚୋରି ବୃଦ୍ଧି ପାଉଥିବା ବେଳେ ପୌରବାସୀ ଯାତାୟତରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି ।ସଂପୃକ୍ତ ଚୋର କୁ ଧରିବା ଦିଗରେ ପୋଲିସ ପଦକ୍ଷେପ ନେବାକୁ ପୌରବାସୀ ଙ୍କ ପକ୍ଷରୁ ଦୃଢ଼ ଦାବି ହେଉଛି ।