୩୮ ନଂ ଜୋନର ଦୁଇ ପଞ୍ଚାୟତରେ ବିଧାୟକଙ୍କ ପ୍ରଚାର
ବୁଗୁଡ଼ା, (ଅନିଲ କୁମାର ମହାରଣା) :-ପୋଲସରା ବ୍ଲକରେ ତ୍ରିସ୍ତରୀୟ ପଞ୍ଚାୟତରାଜ ନିର୍ବାଚନର ପ୍ରଥମ ପର୍ଯ୍ୟାୟ ଫେବୃଆରୀ ୧୬ ତାରିଖ ଦିନ ନିର୍ବାଚନ ଅନୁଷ୍ଠିତ ହେଉଥିବା ବେଳେ ମଝିରେ ଆଉ ମାତ୍ର ୧୦ ଦିନ ବାକି ଥିବା ବେଳେ ନିର୍ବାଚନ ପ୍ରଚାର ଜମିଥିବା ଦେଖାଦେଇଛି । ଫେବୃଆରୀ ୫ ତାରିଖ ଦିନ ଜିଲ୍ଲା ପରିଷଦ ଜୋନ ନମ୍ବର ୩୮ ରେ ପୋଲସରା ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀକାନ୍ତ ସାହୁ କେନ୍ଦୁବାଡି ଓ ମନ୍ଦାର ପଞ୍ଚାୟତରେ ପ୍ରଚାର କରିଥିଲେ। ୩୮ ନମ୍ବର ଜୋନରେ ବ୍ଲକ ବିଜେଡି ସମ୍ପାଦକ ତଥା ଜଣାଶୁଣା ଟାଣୁଆ ବିଜେଡି ନେତା ଅଶୋକ କୁମାର ବିଷୋୟୀ ପ୍ରତିଦ୍ୱନ୍ଦିତା କରୁଛନ୍ତି । ବିଧାୟକ ଶ୍ରୀ ସାହୁ ଭୋଟର ମାନଙ୍କୁ ଶଙ୍ଖ ଚିହ୍ନରେ ଭୋଟ ଦେଇ ଅଶୋକ ବାବୁଙ୍କୁ ବିପୁଳ ବ୍ୟବଧାନରେ ଜୟଯୁକ୍ତ କରିବାକୁ ନିବେଦନ କରିଥିଲେ। ସେହିପରି ବିଜେଡି ସମର୍ଥୀତ କେନ୍ଦୁବାଡି ପଞ୍ଚାୟତର ସରପଞ୍ଚ ପ୍ରାର୍ଥୀନୀ ରମା ସ୍ୱାଇଁ ଓ ସମିତି ସଭ୍ୟ ପ୍ରାର୍ଥୀ ନରେନ୍ଦ୍ର ସ୍ୱାଇଁ ଏବଂ ମନ୍ଦାର ପଞ୍ଚାୟତର ସରପଞ୍ଚ ପ୍ରାର୍ଥୀନୀ ସୁନିତା ଜେନା ଓ ସମିତି ସଭ୍ୟା ପ୍ରାର୍ଥୀନୀ ସୁଚିତ୍ରା ବିଷୋୟୀଙ୍କୁ ବିପୁଳ ସଂଖ୍ୟାରେ ଭୋଟଦେଇ ନିର୍ବାଚିତ କରିବାକୁ ବିଧାୟକ ଶ୍ରୀ ସାହୁ ଭୋଟରଙ୍କୁ ନିବେଦନ କରିଥିଲେ ।
