୪ ଜେଡିଏସ୍ ନେତା ମୃତ, ୩ ନିଖୋଜ

ବେଙ୍ଗାଲୁରୁ(ଏଜେନ୍ସି): ଶ୍ରୀଲଙ୍କା ବିସ୍ଫୋରଣରେ କର୍ଣ୍ଣାଟକ ମେଣ୍ଟ ସରକାରର ଅନ୍ୟତମ ଦଳ ଜେଡିଏସର ୪ନେତାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । କର୍ଣ୍ଣାଟକ ମୁଖ୍ୟମନ୍ତ୍ରୀ ତଥା ଜେଡିଏସ୍ ନେତା କୁମାରସ୍ୱାମୀ ସୋମବାର ଏସମ୍ପର୍କରେ ସୂଚନା ଦେଇଛନ୍ତି । ତାଙ୍କ କହିବାନୁସାରେ ଶ୍ରୀଲଙ୍କାରେ ଘଟିଥିବା ସିରିଜ୍ ବିସ୍ଫୋରଣରେ ତାଙ୍କ ଦଳର ୪ ନେତାଙ୍କ ମୃତ୍ୟୁ ହୋଇଛି ଏବଂ ୩ ନେତା ଏଯାବତ୍ ନିଖୋଜ ଅଛନ୍ତି । ନିଖୋଜ ୩ ଜେଡିଏସ୍ ନେତା ହେଲେ ଏଚ୍.ଶିବକୁମାର, ଏ ମରେଗୌଡ଼ା ଏବଂ ଏଚ୍. ପୁଟାରଜୁ । ସେହିପରି ମୃତ ୪ ନେତା ହେଲେ ଲକ୍ଷ୍ମଣ ଗୌଡ଼ ରମେଶ, କେଏମ୍ ଲକ୍ଷ୍ମୀନାରାୟଣ, ଏମ୍ ରଙ୍ଗପା ଏବଂ କେଜି ହନୁମନ୍ତାରୟପ୍ପା । ଏମାନେ (ସମସ୍ତ ୭ ନେତା) ନିକଟରେ ଶ୍ରୀଲଙ୍କା ବୁଲିବାକୁ ଯାଇଥିଲେ । ଦୁର୍ଭାଗ୍ୟବଶତଃ ଏମାନେ ବିସ୍ଫୋରଣ ସମୟରେ ଘଟଣାସ୍ଥଳରେ ଉପସ୍ଥିତ ଥିଲେ ।