୬୦ତମ ପୋଲିସ ଶହୀଦ୍ ଦିବସ ପାଳିତ
ବାଲେଶ୍ୱର,(ଯୁଗାବ୍ଦ ନ୍ୟୁଜ୍): ବାଲେଶ୍ୱର ପୋଲିସ ପ୍ରଶାସନ ପକ୍ଷରୁ ରିଜର୍ଭ ପୋଲିସ ପ୍ୟାରେଡ୍ ପଡିଆଠାରେ ୬୦ତମ ପୋଲିସ ଶହୀଦ ଦିବସ ପାଳିତ ହୋଇଯାଇଛି । ୧୯୫୯ ମସିହାରୁ ଏହି ଦିବସ ପାଳିତ ହୋଇ ଆସୁଥିବା ବେଳେ ଆଜିର ଦିବସରେ ପୂର୍ବାଞ୍ଚଳ ଆଇ.ଜି ଶ୍ରୀଯୁକ୍ତ ଦୀପ୍ତେଶ ପଟ୍ଟନାୟକ ଶହୀଦ୍ ପୀଠରେ ପୁଷ୍ପମାଲ୍ୟ ଦେଇ ଅମର ଶହୀଦ୍ମାନଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ । ପୋଲିସ ବାହିନୀ ପକ୍ଷରୁ ମାର୍ଚର୍ କରାଯାଇ ଶହୀଦ୍ମାନଙ୍କୁ ଶ୍ରଦ୍ଧାଞ୍ଜଳୀ ଦିଆଯାଇଥିଲା । ଏହି କାର୍ଯ୍ୟକ୍ରମରେ ପୋଲିସ ବିଭାଗର ବିଭିନ୍ନ ପଦାଧିକାରୀ, ଇନ୍ସିପେକ୍ଟର, ଏସ.ଆଇ, ଏ.ଏସ.ଆଇ, ହାବିଲଦାର, କନେଷ୍ଟବଳ ପ୍ରମୁଖ ଯୋଗ ଦେଇଥିଲା । ଅନ୍ୟମାନଙ୍କ ମଧ୍ୟରେ ଜିଲ୍ଲାର ଅବସରପ୍ରାପ୍ତ ପୋଲିସ ଅଧିକାରୀ ଏବଂ ମାନ୍ୟଗଣ୍ୟ ବ୍ୟକ୍ତିମାନେ ଯୋଗ ଦେଇଥିଲେ ।
