୬ ଜୁଆଡ଼ି ଗିରଫ, ଟଙ୍କା ସମେତ ୫ ମୋବାଇଲ ଓ ୪ ବାଇକ ଜବତ

ହିଞ୍ଜିଳିକାଟୁ, (ଶେଷଦେବ ସାହୁ): ହିଂଜିଳି ଥାନା ସିକିରି ଗ୍ରାମରେ ଚାଲିଥିବା ଏକ ଜୁଆ ଆଡ୍ଡା ଉପରେ ହିଂଜିଳି ପୋଲିସ ଶନିବାର ଚଢାଉ କରିଛି । ଚଢାଉ ସମୟରେ ୬ ଜଣ ଜୁଆଡ଼ିଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୧ ହଜାର ୧ଶହ ଟଙ୍କା ସମେତ ୫ଟି ମୋବାଇଲ ଓ ୪ଟି ମୋଟର ସାଇକେଲକୁ ଜବତ କରିଛି । ଗିରଫ ମାନେ ହେଲେ ହିଂଜିଳି ଥାନା ସିକିରି ଗ୍ରାମର ସିଲୁ ବିଶ୍ୱାଳ, ଶିବ ପ୍ରଧାନ, ପୋଡ଼ିଙ୍ଗି ଗ୍ରାମର ଜଟେଶ୍ୱର ପାଠି, ଆଙ୍କୋରଡ଼ା ଗ୍ରାମର ବୃନ୍ଦାବନ ସାହୁ, ବ୍ରହ୍ମପୁର ସଦର ଥାନା ଆଙ୍କଶପୁର ଗ୍ରାମର ସୁରେନ୍ଦ୍ର ବିଷୋୟୀ ଓ ଲାଠି ଗ୍ରାମର ଅଜିତ କୁମାର ଗୌଡ଼ । ଏ ନେଇ ହିଂଜିଳି ଥାନା ନଂ- ୮୭/୨୦ରେ ଏକ ମାମଲା ରୁଜୁ କରିଛି । ରବିବାର ଗିରଫ ଜୁଆଡ଼ିଙ୍କୁ କୋର୍ଟ ଚାଲାଣ କରାଯିବ ବୋଲି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୃୁ ଦାସ କହିଛନ୍ତି ।