୬ ବର୍ଷ ବିତିଲା, ଅପହୃତ ଶିଶୁର ପତ୍ତା ମିଳିନାହିଁ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା କାଶୀନଗର ବ୍ଲକ୍ ଅନ୍ତର୍ଗତ କେଜିଏନପେଟା ଗ୍ରାମବାସୀ ଦର୍ଶନ ସଉରାଙ୍କ ୩ ବର୍ଷର ଝିଅ ନିବିୟାକୁ ଅଜଣା ଦୁର୍ବୃତ୍ତମାନେ ଗତ ୬ ବର୍ଷ ତଳେ ଅପହରଣ କରିନେଇଥିଲେ. ଏନେଇ ୨୦୧୮ରେ କାଶୀନଗର ଥାନାରେ ଅଭିଯୋଗ ହୋଇଥିଲା . ୨୦୧୮ ଏପ୍ରିଲ ୨ ତାରିଖ ଦିନ ଏକ ମାମଲା ରୁଜୁ କରି କାଶୀନଗର ପୋଲିସ ତଦନ୍ତ ଆରମ୍ଭ କରିଥିଲେ. ବର୍ତ୍ତମାନ ଏହି ଘଟଣାକୁ 6 ବର୍ଷ ପୂରିଲା. ତଥାପି ଅପହୃତ ଶିଶୁଟିର କୌଣସି କାଶୀନଗର ପୋଲିସ ସନ୍ଧାନ ପାଇ ନଥିବା ଜଣାପଡିଛି . ଗତ ୨୦୧୮ ମସିହାରେ ଏହି ଶିଶୁଟିକୁ ୩ ବର୍ଷ ହୋଇଥିବାବେଳେ ବର୍ତ୍ତମାନ ୮ ବର୍ଷରୁହ ଉର୍ଦ୍ଧ ବୟସ ତାକୁ ହୋଇଥାନ୍ତା ବୋଲି ପରିବାର ତରଫରୁ ଅତ୍ୟନ୍ତ ଦୁଃଖ ପ୍ରକାଶ କରି ପ୍ରକାଶ କରାଯାଇଛି. ବର୍ତ୍ତମାନ କାଶୀନଗର ପୋଲିସ ଏକ ଲୁକ ଆଉଟ ନୋଟିସ ଜାରି କରି ନିବିୟାର ସନ୍ଧାନ ପାଇଁ ସାଧାରଣରେ ନୋଟିସକୁ ପ୍ରକାଶ କରାଯାଇ ଅନୁରୋଧ କରାଯାଇଛିଯେ ଯଦି କୌଣସି ସହୃଦୟ ବ୍ୟକ୍ତିଙ୍କୁ ଏନେଇ କିଛି ଖବର ମିଳେ ତେବେ କାଶୀନଗର ଥାନା ଆଇଆଇସିଙ୍କ ମୋବାଇଲ ନମ୍ବର ୯୪୩୮୯୧୬୭୦୫ କୁ ସୂଚନା ଦେବେ.