୮ନମ୍ବର ଜୋନର ବିଜେଡି ପ୍ରାର୍ଥୀ ରଶ୍ମୀରଞ୍ଜନ ସର୍ବାଧିକ ଭୋଟରେ ବିଜୟୀ

କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟ ଫଳାଫଳ ମଙ୍ଗଳବାର ସକାଳେ ପ୍ରକାଶ ପାଇଛି । ସେହି ଅନୁଯାଇ କେନ୍ଦ୍ରାପଡା ବ୍ଲକ ୮ନମ୍ବର ଜୋନରେ ବିଜୁ ଜନତା ଦଳର ଜିଲ୍ଲା ପରିଷଦ ସଭ୍ୟ ପ୍ରାର୍ଥୀ ରଶ୍ମୀରଞ୍ଜନ ରାଉତ ବିଜୟୀ ହୋଇଛନ୍ତି । ରଶ୍ମୀରଞ୍ଜନ ମୋଟ ୧୫ହଜାର ୬୪୫ ଭୋଟ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦୀ କଂଗ୍ରେସର ଅନନ୍ତ କୁମାର ସ୍ୱାଇଁଙ୍କୁ ୫ହଜାର ୭୧୫ ଭୋଟ ମିଳିଛି । ରଶ୍ମୀରଞ୍ଜନ ସର୍ବାଧିକ ୯ହଜାର ୯୩୦ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ଏହି ଜୋନରେ ବିଜେପି ପ୍ରାର୍ଥୀ ଲଲାଟ କେଶରୀ ସାମଲ ୫ହଜାର ୬୮୨ ଭୋଟ ପାଇ ତୃତୀୟ ସ୍ଥାନରେ ଅଛନ୍ତି । ଏହି ଜୋନଟିରେ ପୂର୍ବ ନିର୍ବାଚନରେ ଜିଲ୍ଲା ପରିଷଦ ସଭ୍ୟା ଜୋସ୍ôନାରାଣି ଜେନା ବିଜୟୀ ହୋଇଥିଲେ ।