୯ ତାରିଖରେ ଅନୁଷ୍ଠିତ ହେବ ତୀର୍ଥରାଜ ଶ୍ରୀମହୋଦଧିଙ୍କ ନିତ୍ଯ ସଂଧ୍ୟା ଆରତୀର ୧୯ ତମ ବାର୍ଷିକ ମହୋତ୍ସବ

ପୁରୀ,(ୱାଇ ଏନ ଏସ): ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ମହାରାଜଙ୍କ ଦ୍ବାରା ଆରମ୍ଭ ହୋଇଥିବା ତୀର୍ଥରାଜ ଶ୍ରୀମହୋଦଧିଙ୍କ ନିତ୍ଯ ସଂଧ୍ୟା ଆରତୀ ର ୧୯ତମ ବାର୍ଷିକ ମହୋତ୍ସବ ଆସନ୍ତା ଜାନୁୟାରୀ ୯ ତାରିଖ ଦିନ ପୁରୀ ବେଳାଭୂମି ଅନୁଷ୍ଠିତ ହେବ।
ମହୋଦଧି ଆରତୀ ସଞ୍ଚାଳନ ସମିତିର ଅଧ୍ୟକ୍ଷ ଇଂ ପ୍ରଶାନ୍ତ କୁମାର ଆଚାର୍ଯ୍ଯଙ୍କ ଅଧ୍ୟକ୍ଷତାରେ ହୋଇଥିବା ବୈଠକରେ ଚଳିତ ବର୍ଷର ବ୍ୟାପକ ପ୍ରସ୍ତୁତି ସମ୍ବନ୍ଧରେ ଆଲୋଚନା ହୋଇଥିଲା । ତେବେ ସଞ୍ଚାଳନ ସମିତି ସମ୍ପାଦକ ପୂର୍ଣ୍ଣ ଚନ୍ଦ୍ର ଖୁଣ୍ଟିଆ ପୂଜ୍ୟ ପ୍ରେସ ବିଜ୍ଞପ୍ତି ମାଧ୍ୟମ ରେ ଅବଗତ କରାଇଥିଲେ କି, ଚଳିତ ବର୍ଷ ମହାମହିମ ରାଷ୍ଟ୍ରପତି, କେନ୍ଦ୍ର ମନ୍ତ୍ରୀ, ବିଭିନ୍ନ ରାଜନୈତିକ ଦଳର ବରିଷ୍ଠ ନେତା, ବିଭିନ୍ନ ସନାତନ ସମ୍ପ୍ରଦାୟର ସନ୍ଥ ମହନ୍ତ, ମହାମହିମ ରାଜ୍ୟପାଳ, ଗଜପତି ମହାରାଜା, ୩୦ ଟି ଦେଶର ୬୦୦ ବିଦେଶୀ ଭକ୍ତଙ୍କ ସମେତ ସମଗ୍ର ଦେଶରୁ ୧୦୦୦୦ ଭକ୍ତ ଏହି ମହୋତ୍ସବରେ ଯୋଗଦେବାର ଯୋଜନା କରାଯାଇ ଅଛି। ଏହି ପ୍ରେସ ବାର୍ତ୍ତା କାର୍ଯକ୍ରମ ରେ ପୂର୍ଣ୍ଣ ଚନ୍ଦ୍ର ଖୁଣ୍ଟିଆ, ବିଶ୍ଵ ଶାନ୍ତି ତ୍ରିପାଠୀ,ଗଣେଶ ମହାସୁଆର,ମାତ୍ରୁ ପ୍ରସାଦ ମିଶ୍ର ପ୍ରମୁଖ ଉପସ୍ଥିତ ଥିଲେ।