ଗଂଜାମ ଜିଲ୍ଲାର ୫ଟି ପଞ୍ଚାୟତକୁ ଜାତୀୟ ପୁରସ୍କାର
ଛତ୍ରପୁର,(ଓ୍ବାଇଏନ୍ଏସ୍) : ମୁଖ୍ୟମନ୍ତ୍ରୀଙ୍କ ଜିଲ୍ଲା ତଥା ଗଞ୍ଜାମ ଜିଲାର ହିଞ୍ଜିଳି ବ୍ଲକ ଓ ୫ ଟି ପଞ୍ଚାୟତକୁ ଜାତୀୟ ପଞ୍ଚାୟତ ପୁରସ୍କାର -୨୦୨୦ ମିଳିଛି। ଏ ନେଇ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଓ ଡିଆର୍ଡିଏ ପିଡି ଇଂ. ସିଦ୍ଧାର୍ଥ ଶଙ୍କର ସ୍ବାଇଁ ଟୁଇଟ କରି ଗଞ୍ଜାମ ଟିମ୍କୁ ଶୁଭେଚ୍ଛା ଜଣାଇଛନ୍ତି। ହିଞ୍ଜିଳି ବ୍ଲକ, ଶେରଗଡ଼ ବ୍ଲକ ଅଧୀନ ଅଲାରିଗଡ଼ ପଞ୍ଚାୟତ ଓ ହିଞ୍ଜିଳି ବ୍ଲକ ଅଧୀନ ଶାସନ ଆମ୍ବଗାଁ ପଞ୍ଚାୟତକୁ ଦୀନଦୟାଲ ଉପାଧ୍ୟାୟ ପଞ୍ଚାୟତ ସଶକ୍ତିକରଣ ପୁରସ୍କାର କେନ୍ଦ୍ର ସରକାରଙ୍କଠାରୁ ମିଳିଛି ସେହିପରି ପୋଡାମାରି ପଞ୍ଚାୟତକୁ ନାନାଜି ଦେଶମୁଖ ରାଷ୍ଟ୍ରୀୟ ଗୌରବ ଗ୍ରାମସଭା ପୁରସ୍କାର, ଗଞ୍ଜାମ ବ୍ଲକ କାଇଁଚପୁର ପଞ୍ଚାୟତକୁ ଗ୍ରାମପଞ୍ଚାୟତ ପ୍ଲାନ ଆୱାର୍ଡ ଏବଂ ବଡବୋରସିଙ୍ଗ ପଞ୍ଚାୟତକୁ ଚାଇଲଡ ଫ୍ରେନ୍ଡଲି ଗ୍ରାମପଞ୍ଚାୟତ ଆୱାର୍ଡ କେନ୍ଦ୍ର ସରକାରଙ୍କ ଠାରୁ ମିଳିଛି। ଏ ନେଇ ଜିଲ୍ଲାପାଳଙ୍କ କାର୍ଜ୍ୟାଳୟ ସୂତ୍ରରୁ ଜଣାପଡିଛି.
