ମୁନିଗୁଡାରେ ଧୁମଧାମର ସହ ୩୮ତମ ମହାଲକ୍ଷ୍ମୀ ପୂଜା ଅନୁଷ୍ଠିତ
ମୁନିଗୁଡା,(ନନ୍ଦ କିଶୋର ପଟ୍ଟନାୟକ): ରାୟଗଡା ଜିଲ୍ଲା ମୁନିଗୁଡା ପାଇକସାହି ସ୍ଥିତ ମହାଲକ୍ଷ୍ମୀ ପୂଜା ପଡିଆ ଠାରେ ମହାଲକ୍ଷ୍ମୀ ପୂଜା କମିଟି ଓ ବିଜୁ ପଟ୍ଟନାୟକ ଯୁବ ସଂସଦ ମିଳିତରେ ଅନୁଷ୍ଠିତ ୩୮ତମ ମହାଲକ୍ଷ୍ମୀ ପୂଜା ମହା ଆଡମ୍ବରର ସହ ପାଳିତ ହେଉଛି l ପୁରହିତ ଜଗବନ୍ଧୁ ପଣ୍ଡାଙ୍କ ପୌରହିତ୍ୟରେ ଗୁରୁବାର ଠାରୁ କଳସ ଯାତ୍ରା,ଗଙ୍ଗା ଆବାହନ,ଅଙ୍କୁର ରୋପଣ,ବେଲ ବରଣ,ମଣ୍ଡପ ଶୁଦ୍ଧି,ସୂର୍ଯ୍ୟ ପୂଜା ଆଦି ପୂଜା ଓ ହୋମଯଜ୍ଞ କରି ମା ଲକ୍ଷ୍ମୀଙ୍କ ପୂଜାର୍ଚ୍ଚନା କରାଯାଇ ମୁଖ ଦର୍ଶନ କରାଯାଇଥିଲା l ମଣ୍ଡପରେ ମାଲକ୍ଷ୍ମୀ, ଗଣେଶ,ସରସ୍ବତୀଙ୍କ ସହ ସୁନ୍ଦର ରାଜମହଲ ତୋରଣ ଓ ମଣ୍ଡପ ସମ୍ମୁଖରେ ମୁଖ୍ୟ ଆକର୍ଷଣ ପୌରାଣିକ ଅନୁଯାୟୀ ଶ୍ରୀ ବିଷ୍ଣୁଙ୍କ ଚତୁଃର ମାସିଆ ଶୟନ ସମୟରେ କେଉଁ କେଉଁ ଦେବା ଦେବୀଙ୍କ ଦାୟତ୍ୱ ଉପରେ ସଚେତନତା କଳା କୁଞ୍ଜ ମୂର୍ତ୍ତି ମାଧ୍ୟମରେ ଲୋକଙ୍କୁ ଅଧିକ ଆକୃଷ୍ଟ କରୁଛି l ପୁରହିତ ଶ୍ୟାମସୁନ୍ଦର ଦାସ,ନିକୁଞ୍ଜ ଶତପଥୀ ଓ ସଦାନନ୍ଦ ମହାପାତ୍ରଙ୍କ ମିଳିତରେ ପ୍ରତେକ ଦିନ ମଣ୍ଡପରେ ମହାଲକ୍ଷ୍ମୀ ପୁରାଣ, ଚାଳିଶା,କୁଙ୍କୁମ ପୂଜା ଆଦି କାର୍ଯ୍ୟକ୍ରମ ସହ ନିତ୍ୟପୁଜା,ଅର୍ଣ୍ଣଭୋଗ,ସନ୍ଧ୍ୟା ଆଳତୀ, ଆଳତୀ ଭୋଗ ଆଦି କରାଯାଉଛି କର୍ତା ଭାବେ ଅରକ୍ଷିତ ମାର୍ଥା ଓ କୌତୁକି ମାର୍ଥା କାର୍ଯ୍ୟ ତୁଲାଉଛନ୍ତି l ଚଳିତ ବର୍ଷ ଏହି ପୂଜା ୩୮ତମ ବର୍ଷରେ ପଦାର୍ପଣ କରିଛି l ପ୍ରତେକ ବର୍ଷ ଭଳି ଚଳିତ ବର୍ଷ ମଧ୍ୟ ମୁଖ୍ୟ ରାସ୍ତାରେ ଦୁଇଟି ବଡ଼ ରଙ୍ଗୀନ ଆଲୋକ ଗେଟ ସହ ମଣ୍ଡପ ପର୍ଯନ୍ତ ସୁନ୍ଦର ରଙ୍ଗରେ ରଙ୍ଗୀନ ଆଲୋକ ମାଳା କରାଯାଇଛି ଏବଂ ମନୋରଞ୍ଜନ ପାଇଁ ଯାତ୍ରା ପୃଥ୍ବୀରାଜ ଓ ଓଁକାର ଅପେରା,ମିନା ବଜାର,ରାମଦୋଳି, ଡ୍ରାଗନ ଟ୍ରେନ,ଡିସ୍କୋ ଡାନ୍ସ,ଡ଼ଙ୍ଗା,ଟରାଟରା ସହ ବିଭିନ୍ନ ପ୍ରକାରର ଉଠା ଦୋକାନୀ ଗୁଡିକ ଅଛି ଉକ୍ତ ପୂଜା ଦେଖିବାକୁ ମୁନିଗୁଡା ଅଞ୍ଚଳ ସହ ପଡୋଶୀ ଜିଲ୍ଲା କଳାହାଣ୍ଡି,କନ୍ଧମାଳ ଗଜପତି ଏବଂ ପଡୋଶୀ ରାଜ୍ୟ ଛତିଶଗଡ, ଆନ୍ଧ୍ରପ୍ରଦେଶରୁ ଲୋକେ ଆସୁଥିବାରୁ ଭିଡ଼କୁ ଆଖି ଆଗରେ ରଖି ଶାନ୍ତି ଶୃଙ୍ଖଳା ପାଇଁ ଏକ ପ୍ଲାଟୁନ ମହିଳା ଓ ପୁରୁଷ ପୋଲିସ ମୁତୟନ କରାଯାଇଛି l ଚଳିତ ବର୍ଷ ଏହି ପୂଜା ୨୦ ତାରିଖ ଗୁରୁବାର ଠାରୁ ଆରମ୍ବ ହୋଇ ଦୀର୍ଘ ୧୮ ଦିନ ଧରି ଚାଲିବା ସହ ଆସନ୍ତା ଡିସେମ୍ବର ୭ ତାରିଖରେ ସମ୍ପର୍ଣ୍ଣ ହେବା ସହ ପୂର୍ଣ୍ଣାହୁତି ହେବ ବୋଲି ପୂଜା କମିଟିର ଅବାହକ ପୂର୍ଣଚନ୍ଦ୍ର ଗୌଡ଼ ସୂଚନା ଦେଇଛନ୍ତି l ଅନ୍ୟ ମାନଙ୍କ ମଧ୍ୟରେ ପୂଜା ମଣ୍ଡପରେ ପୂଜାକୁ ପୁରହିତ ସୁରେଶ ରଥ,ଅଶୋକ କର,ମଙ୍ଗଳା ସାବତ,ସୁନୀଲ ଚୌଧୁରୀ,ବାବୁଲା ମାଳି, କହ୍ନେଇ ଗୌଡ଼ ପ୍ରମୁଖ ପରିଚାଳନା ଓ ସହଯୋଗ କରୁଛନ୍ତି l ଉକ୍ତ ପୂଜାକୁ ବିଜୁ ପଟ୍ଟନାୟକ ଯୁବ ସଂସଦର ସଭାପତି ଚକ୍ରପାଣି ମାର୍ଥା, ପୂଜା କମିଟିର ରମାକାନ୍ତ ମାର୍ଥା,ଚନ୍ଦନ ରିଣ୍ଟୁ ସାହୁ,ମୁକେଶ ମହାରଣା, ରାକେଶ ମହାରଣା,ବାବୁ ପଟ୍ଟନାୟକ,ନନ୍ଦ କିଶୋର ପଟ୍ଟନାୟକ, ସମ୍ବାରୁ କୁମୁରୁକା,ସୁଧାକର ମହାରଣା ପ୍ରମୁଖଙ୍କ ସମେତ ପୂଜା କମିଟି ଓ କ୍ଳବର ଅନ୍ୟ ସଦସ୍ୟ ମାନେ ପରିଚାଳନା ଓ ସହଯୋଗ କରୁଛନ୍ତି l
