୰ହରିହର ନନ୍ଦଙ୍କ ଦ୍ୱାଦଶ କ୍ରିୟା ଏବଂ ତିଳତର୍ପଣ

ବାଲେଶ୍ୱର : ବୁଢ଼ାବଳଙ୍ଗ ନଦୀକୂଳରେ ହରିହର ନନ୍ଦଙ୍କ ଦ୍ୱାଦଶ କ୍ରିୟା ରାଷ୍ଟ୍ରୀୟ ସ୍ୱୟଂ ସେବକ ସଂଘ ତରଫରୁ ଅନୁଷ୍ଠିତ ହୋଇଯାଇଅଛି । ହରିହର ନନ୍ଦ ଥିଲେ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଜାତୀୟ କାର୍ଯ୍ୟକାରିଣୀ ସଦସ୍ୟ ।  ନନ୍ଦ ହେଲେ ଦେଶର ପ୍ରଥମ ଓଡିଆ ପ୍ରଚାରକ ଯେ ଅନ୍ୟ ରାଜ୍ୟମାନଙ୍କରେ ସଂଘ ପ୍ରଚାର କାର୍ଯ୍ୟ କରୁଥିଲେ । ବାଲିଘାଟଠାରେ ଆର.ଏସ୍.ଏସ୍ର ବିଭାଗ ପ୍ରଚାରକ ରଘୁନାଥ ପାତ୍ର ତିଳତର୍ପଣ କରିଥିଲେ । ନନ୍ଦଙ୍କ ଆତ୍ମାର ସଦଗତି ନିମନ୍ତେ ସମୂହ ପ୍ରାର୍ଥନା କରିଥିଲେ ।  ତିଳତର୍ପଣ କାର୍ଯ୍ୟକ୍ରମରେ ଯୋଗେନ ରଣା, ନନ୍ଦକିଶୋର ରଣା, ଡଃ ପ୍ରଣବ କର, ବିଭାଗ ପ୍ରଚାରକ ଶିବାଜୀ ଭାଇ, ବିଜେପି ଜିଲ୍ଲା ପ୍ରବକ୍ତା ଗୌରାଙ୍ଗ ଦାସ, ବିଜେପି ନଗର ସମ୍ପାଦକ ରଞିତ ପୃଷ୍ଟି, ନଗର ଯୁବମୋର୍ଚ୍ଚା ଉପ ସଭାପତି ବିନୟ ମହାରଣା, ଦିପେନ୍ଦ୍ର ଦେ, ତାରାକାନ୍ତ ମହାନ୍ତି, ଅମର ସେଠୀ ଏବଂ ସଂଘର ବହୁ ସ୍ୱୟଂ ସେବକ ଉପସ୍ଥିତ ଥିଲେ । ଗତକାଲି ହରିହର ନନ୍ଦଙ୍କ ଏକାଦଶାହ କାର୍ଯ୍ୟ ତାଙ୍କ ଜନ୍ମ ମାଟି ବାଳିଆ ପାଟିଠାରେ ଅନୁଷ୍ଠିତ ହୋଇଥିଲା । ଏକାଦଶାହ କାର୍ଯ୍ୟକ୍ରମରେ ରାଜ୍ୟ ତଥା ଜିଲ୍ଲାର ବହୁ ପମୁଖ ବ୍ୟକ୍ତିମାନେ ଯୋଗ ଦେଇଥିଲେ ।