ସ୍ବାଧୀନତା ଦିବସରେ ଭଞ୍ଜନଗର ବି.ଇ.ଓ ଅଫିସରେ ବୃକ୍ଷରୋପଣ ଅନୁଷ୍ଠିତ
ଭଞ୍ଜନଗର, (ସନ୍ତୋଷ କୁମାର ଜେନା):ପବିତ୍ର ସତସ୍ତୁରୀ ତମ ସ୍ବାଧୀନତା ଦିବସ ପାଳନ ଅବସରରେ ଭଞ୍ଜନଗର ବି.ଇ.ଓ ଅଫିସ୍ ପରିସରରେ ସିନିୟର୍ ବି.ଇ.ଓ ଏସ୍.ଧନଞ୍ଜୟ ଙ୍କ ପରିକଳ୍ପନାରେ ଆରମ୍ଭ ହୋଇଛି ଏକ ନିଆରା ବୃକ୍ଷରୋପଣ କାର୍ଯ୍ୟକ୍ରମ “ମୋ ଚାରା, ମୋ ସେଲଫି”ଏହାକୁ ମୁଖ୍ୟ ଅତିଥି ରୂପେ ଉତ୍ତର ଘୁମୁସର ଡି.ଏଫ.ଓ ସୁଦର୍ଶନ ବେହେରାଙ୍କ ସମେତ ସହ ବନ ସଂରକ୍ଷକ ବିକ୍ରମଦେବ ପଟ୍ଟନାୟକ,ପ୍ରଭାକର ନାୟକ, ରଂଜିତ କୁମାର ମିଶ୍ର,ମୁଜାଗଡ ବନାଞ୍ଚଳ ଅଧିକାରୀ ବିମ୍ବାଧର ସାହୁ , ସେକସନ ଅଧିକାରୀ ଅଶୋକ କୁମାର ସାହୁ ପ୍ରମୁଖ ଉପସ୍ଥିତ ରହି ଉଦଘାଟନ କରିଥିଲେ ବି.ଇ.ଓ ଅଫିସ୍ ପରିସରରେ ବି.ଇ.ଓ ଏସ୍. ଧନଞ୍ଜୟଙ୍କ ସମେତ ସମସ୍ତ ଅତିଥି ଓ ଅଫିସ୍ ଷ୍ଟାଫ ବୃକ୍ଷରୋପଣ କରିବା ସହ ସେଲଫି ଫୋଟ ନେଇ ବିଭିନ୍ନ ସାମାଜିକ ଗଣମାଧ୍ୟମ ଯେପରିକିଫେସବୁକ୍,ୱାଟସପ,ଟୁଇଟର,ଇନଷ୍ଟାଗ୍ରାମ ଆଦିରେ ପୋଷ୍ଟ କରିବା ସହ ଜନ ସଚେତନତା ସୃଷ୍ଟି କରିଥିଲେ ସେହିପରି ବି.ଇ.ଓ ଙ୍କ ଅନୁରୋଧ ପ୍ରକାରେ ବ୍ଳକର ସମସ୍ତ ସରକାରୀ ଓ ବେସରକାରୀ ବିଦ୍ୟାଳୟ ଗୁଡିକରେ ସି.ଆର୍.ସି.ସି ଓ ପ୍ରଧାନ ଶିକ୍ଷକମାନଙ୍କ ତତ୍ବାବଧାନରେ ବ୍ଳକର ଛାତ୍ର ଛାତ୍ରୀମାନଙ୍କୁ ପ୍ରାୟ ଏଗାର ହଜାର ଚାରା ବଣ୍ଚନ ସହ ବୃକ୍ଷରୋପଣ ପ୍ରତି ସଚେତନତା ସୃଷ୍ଟି କରାଯାଇଥିବା ଜଣାପଡିଛି
