ଶ୍ରୀଗୋପାଳଜୀଉଙ୍କ ଜନ୍ମାଷ୍ଟମୀ ଉତ୍ସବ ପାଳିତ
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):କେନ୍ଦ୍ରାପଡା ବ୍ଲକ ଅନ୍ତର୍ଗତ ଲାହାଖଣ୍ଡ ଭରତପୁର ଗ୍ରାମର ମକଦମ ଜମିଦାର ପରିବାରର କୂଳଦେବତ୍ତା ଶ୍ରୀଗୋପାଳଜୀଉଙ୍କ ଜନ୍ମାଷ୍ଟମୀ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏହି ଉପଲକ୍ଷେ ଶ୍ରୀଜୀଉଙ୍କୁ ଷୋଡଶ ଉପଚାରରେ ପୂଜାର୍ଚ୍ଚନା କରାଯାଇ ହୋମଯଜ୍ଞ, ପୂଜାର୍ଚ୍ଚନା, ସଙ୍କୀର୍ତ୍ତନ, ଭଜନ ପ୍ରଭୃତି ପରିବେଷଣ କରାଯାଇଥିଲା । ଆଇନ ଅଧିକାରୀ ପ୍ରବୋଧ କୁମାର ଦାସ ଓ ଗୀତାଞ୍ଜଳି ଦାସ କର୍ତ୍ତା ଭାବରେ ପୂଜାରେ କାର୍ଯ୍ୟନିର୍ବାହ କରିଥିଲେ । ଏହି କାର୍ଯ୍ୟକ୍ରମରେ ଆଖପାଖ ଅଞ୍ଚଳରୁ ଶତାଧିକ ଲୋକଙ୍କ ସମାଙ୍ଗମ ହୋଇଥିଲା ।
