ଦିଗପହଣ୍ଡି ବ୍ଲକ ସରପଞ୍ଚ ସଂଘ ପକ୍ଷରୁ ବିଡ଼ିଓଙ୍କୁ ସ୍ମାରକପତ୍ର

ଦିଗପହଣ୍ଡି, (ଯୁଗାବ୍ଦ ନ୍ୟୁଜ):ଦିଗପହଣ୍ଡି ବ୍ଳକ ସରପଞ୍ଚ ସଂଘ ପକ୍ଷରୁ ବୁଧବାର  ୧୫ ଦଫା ଦାବି ସମ୍ବଳିତ ସ୍ମାରକପତ୍ର  ସ୍ଥାନୀୟ ବିଡ଼ିଓ ଡ. ଚିତ୍ତରଞ୍ଜନ ଦାସଙ୍କୁ  ପ୍ରଦାନ କରାଯାଇଛି । ଦିଗପହଣ୍ଡି ବ୍ଲକ ସରପଞ୍ଚ ସଂଘ ସଭାପତି ମନୋରଞ୍ଜନ ଗୈାଡଙ୍କ ସମେତ ସରପଞ୍ଚ ଫନେନ୍ଦ୍ର ଚନ୍ଦ୍ର ଗୋସ୍ୱାମୀ, ବିଜୟ କୁମାର ପ୍ରଧାନ ଏବଂ ସରପଞ୍ଚ ପ୍ରତିନିଧି ବି.କ୍ରିଷ୍ଣା ରାଓ ସୁବୁଦ୍ଧି ପ୍ରମୁଖ ସ୍ମାରକପତ୍ର ପ୍ରଦାନ ସମୟରେ ଉପସ୍ଥିତ ଥିଲେ। ପଞ୍ଚାୟତ ମାନଙ୍କରେ ପଲ୍ଲୀସଭା ଏବଂ ଗ୍ରାମସଭା ମାନଙ୍କରେ ସରପଞ୍ଚ ମାନଙ୍କୁ ଗୁରୁତ୍ବ ପ୍ରଦାନ କରାଯିବା , କେନ୍ଦ୍ର ଓ ରାଜ୍ୟ ସରକାରଙ୍କ ସମସ୍ତ ଯୋଜନା ମୂଳକ କାର୍ଯ୍ୟ ଓ ହିତାଧିକାରୀଙ୍କ ଚୟନ ଗ୍ରାମସଭା ମାଧ୍ୟମରେ ଅନୁମୋଦନ କରାଯିବା , ସରପଞ୍ଚ ମାନଙ୍କୁ ଭୋଟର ମାନେ ସିଧାସଳଖ ଭାବେ ନିର୍ବାଚିତ କରୁଥିବା ବେଳେ ୱାର୍ଡ ମେମ୍ବର ମାନଙ୍କ ଦ୍ଵାରା କରାଯାଉଥିବା ଅନାସ୍ଥା ପ୍ରସ୍ତାବ ବ୍ୟବସ୍ଥା କୁ ବନ୍ଦ କରାଯିବା ଭଳି ବିଭିନ୍ନ ଦାବି ଏହି ସ୍ମାରକପତ୍ର ରେ ଉଲ୍ଲେଖ ରହିଛି।