ଲୋକଙ୍କ ନିକଟରେ ପୋଲସରା ବିଧାୟକ ଶ୍ରୀକାନ୍ତ ସାହୁ
ପୋଲସରା/ବୁଗୁଡା, (ଅନିଲ କୁମାର ମହାରଣା):ପୋଲସରା ବ୍ଳକ ଅନ୍ତର୍ଗତ ମନ୍ଦାର ଗ୍ରାମର ପୂର୍ବତନ ସରପଞ୍ଚ ଶ୍ଯାମ ସୁନ୍ଦର ପଡିଛା ଓ କଣଛାଇ ଗ୍ରାମର ମିଥୁନ ଭୂୟାଁ ଆକସ୍ମିକ ମୃତ୍ୟୁବରଣ କରିଛନ୍ତି। ଖବର ପାଇବା ପରେ ପୋଲସରା ବିଧାୟକ ଶ୍ରୀକାନ୍ତ ସାହୁ ଉଭୟ ମୃତକଙ୍କ ବାସଭବନକୁ ଯାଇ ଶୋକ ସଂତପ୍ତ ପରିବାରକୁ ସମବେଦନା ଜଣାଇଛନ୍ତି। ସେହିପରି ବୁଗୁଡ଼ା ବ୍ଲକ୍ ଅନ୍ତର୍ଗତ ମାଣିକପୁର ଗ୍ରାମର ଗଗନ ଗୌଡ ଓ କଳମ୍ବ ଗ୍ରାମର ପ୍ରଭାତ ପ୍ରଧାନଙ୍କ ଆକସ୍ମିକ ମୃତ୍ୟୁ ହୋଇଥିବା ବେଳେ ଆଦିପୁର ଗ୍ରାମର ଗୋବର୍ଦ୍ଧନ ଗୌଡ଼ ଗଛରୁ ପଡି ମୃତ୍ୟୁ ବରଣ କରିଛନ୍ତି। ବିଧାୟକ ଶ୍ରୀ ସାହୁ ତିନି ମୃତକଙ୍କ ବାସଭବନକୁ ଯାଇ ଶୋକ ସଂତପ୍ତ ପରିବାରକୁ ସମବେଦନା ଜଣାଇବା ସହ ଆର୍ଥିକ ସହାୟତା ପ୍ରଦାନ କରିଛନ୍ତି। ଏହି ଅବସରରେ ଗ୍ରାମର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ବିଷୟରେ ଲୋକମାନଙ୍କ ସହ ଆଲୋଚନା କରିଛନ୍ତି। ବିଧାୟକଙ୍କ ସହ ଅଞ୍ଚଳର ଜନପ୍ରତିନିଧି ଓ ବହୁ ଜନସାଧାରଣ ଉପସ୍ଥିତ ଥିଲେ।
