ସାମାଜିକ ଗଣମାଧ୍ୟମରେ ଏଡ୍ସ ନିୟନ୍ତ୍ରଣ ସଚେତନତା
କନ୍ଧମାଳ, (ସଞ୍ଜୟ କୁମାର ପାଣିଗ୍ରାହୀ) : ଜାତୀୟ ଏଡ୍ସ ନିୟନ୍ତ୍ରଣ ଅନୁଷ୍ଠାନଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ଜାତୀୟ ଏଡ୍ସ ନିୟନ୍ତ୍ରଣ କାର୍ଯ୍ୟକ୍ରମର ୫ମ ସଂସ୍କରଣରେ ଲକ୍ଷ୍ୟ ରଖାଯାଇଥିବା ସଂଖ୍ୟାର ୯୫ ପ୍ରତିଶତକୁ ହାସଲ କରିବା ପାଇଁ ସାମାଜିକ ଗଣମାଧ୍ୟମର ସାହାରା ନିଆଯାଉଛି। ଏହି ପରିପ୍ରେକ୍ଷୀରେ ଫୁଲବାଣୀ ସ୍ଥିତ ସଞ୍ଜୟ ସ୍ମୃତି ସରକାରୀ ମହିଳା ମହାବିଦ୍ୟାଳୟ ଠାରେ ସ୍ୱେଚ୍ଛାସେବୀ ଅନୁଷ୍ଠାନ ସ୍ୱାତୀ ଓ କନ୍ଧମାଳ ଜିଲା ସ୍ୱାସ୍ଥ୍ୟ ସମିତି ମିଳିତ ସହଯୋଗରେ ଏକ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି। କାର୍ଯ୍ୟକ୍ରମରେ ମହାବିଦ୍ୟାଳୟ ର ଅଧକ୍ଷା ଡା.ତନୁଜା ସିଂ ଅଧକ୍ଷତା କରିଥିବା ବେଳେ ଅଧ୍ୟାପିକା ଯଶୋଦା ଜେନା ସହଯୋଗ କରିଥିଲେ। ଜିଲା ଏଡ୍ସ ପରିଚାଳନା ୟୁନିଟି ଗଞ୍ଜାମର ଡିପିଏସ୍. ହେମନ୍ତ କୁମାର ଦାସ ମୂଖ୍ୟ ଅତିଥିଭାବେ ଯୋଗ ଦେଇ ଏଚଆଇଭି ସଂକ୍ରମଣର ଗମ୍ଭିରତାକୁ ଉପସ୍ଥାପନା କରିବା ସହ ସାମାଜିକ ଗଣମାଧ୍ୟମ ମାଧ୍ୟମରେ କିପରି ସମସ୍ତଙ୍କୁ ଯୋଡି ଅଧିକ ଜନ ସଚେତନତା ସୃଷ୍ଟି କରାଯାଇପାରିବ ସେ ସମ୍ପର୍କରେ ଗୁରୁତ୍ୱ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଡା.ସନ୍ତୋଷ କୁମାର ରାଜୁ, ସରୋଜ କୁମାର ମହାନ୍ତି, ଦେବାଶିଷ ମିଶ୍ର ପ୍ରମୁଖ ବକ୍ତବ୍ୟ ରଖିଥିଲେ। ବରିଷ୍ଠ କର୍ମୀ ବିଶ୍ୱରଞ୍ଜନ କର କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସଂପାଦକ ହରିଶଙ୍କର ରାଉତ ଧନ୍ୟବାଦ ଅର୍ପଣ କରିଥିଲେ।
