ଧାନଘର ଗ୍ରାମର ମୃତ ଅଧ୍ୟାପକଙ୍କ ପରିବାରକୁ ଭେଟିଲେ ପୂର୍ବତନ ମନ୍ତ୍ରୀ ଜୟଦେବ ଜେନା

ହାଟଡ଼ିହି, (ବିକାଶ ବିଶ୍ୱାଳ):ଯାଜପୁର ଠାରେ ଏକ ସଡକ ଦୁର୍ଘଟଣାରେ ମୃତ୍ୟୁବରଣ କରିଥିବା ଧାନଘର ଗ୍ରାମର ଅଧ୍ୟାପକ ଶଶଶିକାନ୍ତ ରଣସିଂହଙ୍କ ପରିବାର କୁ ଭେଟିଛନ୍ତି ପୂର୍ବ ତନ ମନ୍ତ୍ରୀ ତଥା ପୂର୍ବତନ ପିସିସି ସଭାପତି ଜୟଦେବ ଜେନା। ଆଜି ଅପରାହ୍ନରେ ତାଙ୍କ ଧାନଘର ସ୍ଥିତ ବାସଭବନ କୁ ଯାଇ ଶୋକସନ୍ତପ୍ତ ପରିବାରକୁ ଭେଟି ସମବେଦନା ଜଣାଇ ଥିଲେ। ତାଙ୍କ ସହିତ ଭୀମସେନ ପେରେଇ, ଲଲାଟେନ୍ଦୁ ଜେନା, ନାରାୟଣ ରାଉତ, ସନାତନ ନାୟକ, ସୁଶାନ୍ତ ନାୟକ, ଫୁକନ ସ୍ୱାଇଁଙ୍କ ସମେତ ଅନେକ କଂଗ୍ରେସ କର୍ମୀ ଉପସ୍ଥିତ ଥିଲେ। ଏଠାରେ ସୂଚନାଯୋଗ୍ୟ ଯେ ହାଟଡ଼ିହି ବ୍ଲକ ଧାନଘର ଗ୍ରାମର ଶଶଶିକାନ୍ତ ରଣସିଂହ ପଣ୍ଡାପଡା କଲେଜରେ ରାଜନିତୀ ବିଜ୍ଞାନ ଅଧ୍ୟାପକ ଭାବେ କାର୍ଯ୍ୟ କରୁଥିଲେ। ଗତ ୨୬ ତାରିଖରେ ଘରୋଇ କାମରେ ଯାଜପୁର ଯାଇଥିବା ବେଳେ ସେଠାରେ ଏକ ଥର ଗାଡି ଧକ୍କା ଦେଇଥିଲା। ଗୁରୁତର ଅବସ୍ଥାରେ ତାଙ୍କୁ କଟକ ବଡ଼ ଡାକ୍ତରଖାନା ନେଇ ଚିକିତ୍ସା କରୁଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା।