ଦେବୀନଦୀରୁ ଅଚିହ୍ନା ଶବ ଉଦ୍ଧାର

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ଥାନା ଅନ୍ତର୍ଗତ ଦେବୀ ନଦୀର ଦେବୀଦୋଳ ସେତୁ ନିକଟରୁ ସୋମବାର ଏକ ଅଚିହ୍ନା ଶବ ଉଦ୍ଧାର କରାଯାଇଛି । ସୂଚନା ମୁତାବକ ସୋମବାର ପ୍ରାତଃ ସମୟରେ ନଦୀର ଏକ ଶବ ଭାସୁଥିବାର ସ୍ଥାନୀୟ ଲୋକ ଦେଖି ଥାନାକୁ ସୂଚନା ଦେଇଥିଲେ । ସୂଚନା ପାଇ ନାଉଗାଁ ଥାନା କର୍ମଚାରୀ ଓ ଦମକଳ ବାହିନୀ ଘଟଣାସ୍ଥଳରେ ପହଂଚି ଶବଟିକୁ ଉଦ୍ଧାର କରିଥିଲେ । ଶବଟି ଏକ ଯୁବକ ହୋଇଥିବା ବେଳେ ଆନୁମାନିକ ବୟସ ୩୦ରୁ ଉର୍ଦ୍ଧ୍ୱ ହେବ ବୋଲି ଅନୁମାନ କରାଯାଇଛି । ମୃତ ଯୁବକ ଜଣକ ଏକ କଳା ରଙ୍ଗର ହ୍ଲାପ ପ୍ୟାଂଟ ପିନ୍ଧିଥିବା ବେଳେ ବେକରେ ଏକ ହନୁମାନ ପଦକ ରହିଛି । ବାମ ହାତରେ ଅଳ୍ପ ବ୍ୟାଣ୍ଡେଜ କପଡା ଗୁଡାଯାଇଛି । ଥାନା ପକ୍ଷରୁ ଶବଟିକୁ ଉଦ୍ଧାର କରାଯାଇ ଏକ ଅପମୃତ୍ୟୁ ମାମଲା ୧୦/୨୦୨୪ରେ ରୁଜୁ କରାଯିବା ସହ ବ୍ୟବଚ୍ଛେଦ ପାଇଁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଥିବା ଥାନାଧିକାରୀ ସଂଘମିତ୍ରା ନାୟକ ସୂଚନା ଦେଇଛନ୍ତି ।