ମହିଳା ଓ ଯୁବକଙ୍କୁ ଉଦ୍ଧାର କଲା ପୁଲିସ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଶାଳଣିଆଁ ଅଞ୍ଚଳରେ ସ୍ଥାନୀୟ ଲୋକମାନେ ଅଟକ ରଖିଥିବା ଜଣେ ମହିଳା ଓ ଜଣେ ଯୁବକକୁ ପୁଲିସ ଉଦ୍ଧାର କରି ଡାକ୍ତରଖାନରେ ଭର୍ତ୍ତି କରିଥିବା ଜଣା ଯାଇଛି। ମିଳିଥିବା ସୁଚନା ଅନୁଯାଇ ଜଣେ ବିଧବା ମହିଳାଙ୍କ ଘରେ ବଡ଼ରମ୍ପାସ ଗ୍ରାମର ଜଣେ ଯୁବକ ଗତ କିଛିଦିନ ହେଲା ଲୁଚି ରହିଥିଲା। ଏହି ଯୁବକ ଜଣକ ଏକ ହତ୍ୟା ଅପରାଧରେ ଜଡିତ ଥାଇ ଯାମିନି ରେ ଆସିଛି। ବିଧବାଙ୍କ ଘରେ ଅନ୍ୟ କେହି ନଥିବାରୁ ଗ୍ରାମବାସୀଙ୍କ ମନରେ ସନ୍ଦେହ ଉପୁଜିଥିଲା। ବିଧବାଙ୍କ ଅନ୍ୟ ସମ୍ପର୍କୀୟଙ୍କ ସହିତ କିଛି ଗ୍ରାମବାସୀ ବିଧବାଙ୍କ ଘରେ ଚଢ଼ାଉ କରି ଉଭୟଙ୍କୁ ଉତ୍ତମ ମଧ୍ୟମ ଦେଇଥିଲେ। ମହିଳା ଜଣଙ୍କ ଏନେଇ ନନ୍ଦିପଦା ପୁଲିସକୁ ଜଣାଇବା ପରେ ନନ୍ଦିପଦା ପୁଲିସ ବିଧବାଙ୍କ ଘରେ ପହଞ୍ଚି ବିଧବା ଓ ଯୁବକ ଜଣକୁ ଉଦ୍ଧାର କରି ଶାଳଣିଆଁ ଡାକ୍ତରଖାନରେ ଭର୍ତ୍ତି କରିଥିବା ଜଣା ଯାଇଛି।