ଇଞ୍ଚୋଳ ହାଇସ୍କୁଲରେ ଅଭିଭାବକ ସମ୍ମିଳନୀ

ହାଟଡ଼ିହି, (ବିକାଶ ବିଶ୍ୱାଳ):ଓସେପା ନିର୍ଦେଶକଙ୍କ ନିର୍ଦେଶ ଅନୁଯାୟୀ ହାଟଡ଼ିହି ବ୍ଲକ୍ ଇଞ୍ଚୋଳ ଉଚ୍ଚ ବିଦ୍ୟାଳୟରେ ଅଭିଭାବକ ଓ ଶିକ୍ଷକମାନଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ବିଭୁତି ଭୂଷଣ ବେହେରା ଉପସ୍ଥିତ ଅଭିଭାବକଙ୍କୁ ଶୈକ୍ଷିକ କାର୍ଯ୍ୟକ୍ରମ ଓ ମଧ୍ୟାହ୍ନଭୋଜନ ପରିଚାଳନା ସମ୍ପର୍କରେ ଅବଗତ କରାଇଥିଲେ । ସହକାରୀ ଶିକ୍ଷକ ଭାଗିରଥି ଖୁଣ୍ଟିଆ ନିରାପତ୍ତା, ଛାତ୍ରଛାତ୍ରୀଙ୍କ ଉପସ୍ଥାନ, ସାଇବର ସଚେତନତା, ସୁରଭି ଆଦି କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରିଥିଲେ । ଏଥିରେ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ ଯୋଗଦେଇ ବିଦ୍ୟାଳୟ ସୁ ପରିଚାଳନା ଉପରେ ଗୁରୁତ୍ୱ ଦେଇଥିଲେ। ବୈଠକରେ ସ୍କୁଲ କମିଟି ସଭାପତି ସୁବାସ ଚନ୍ଦ୍ର ମହାପାତ୍ର, ବିଜୟ ମହାପାତ୍ର, ପ୍ରମୋଦ ନାୟକ, ନରହରି ଜେନା, ଶ୍ରୀକାନ୍ତ ସୁଆର, ଭୁବନାନନ୍ଦ ଜେନା, ମିନତୀ ରାଉତ, ସୌଦାମିନୀ ନାୟକ, ପ୍ରମୁଖ ଅଭିଭାବକ ମାନେ ଉପସ୍ଥିତ ଥିଲେ