ବିପର୍ଯ୍ୟୟ ରୁ ରକ୍ଷାନେଇ ସଚେତନତା

ଗଞ୍ଜାମ, (ବିନୋଦ ପଲାଇ):ଗଞ୍ଜାମ ବ୍ଲକ ଅନ୍ତର୍ଗତ କଣ୍ଟିଆଗଡ଼ ଗ୍ରାମରେ ରିଲିଆନ୍ସ ଫାଉଣ୍ଡେସନ ଓ କାମଧେନୁ ସେବା ସମିତି ମିଳିତ ଆନୁକୂଲ୍ୟରେ ବିପର୍ଯ୍ୟୟ କ୍ଷତିଭୟ କମାଇବା ଉପରେ ଏକ ଗୋଷ୍ଠୀ ସଚେତନତା କାର୍ଯ୍ୟକ୍ରମ କରାଯାଇଅଛି I ଆଗାମୀ ଦିନରେ ରିଲିଆନ୍ସ ଫାଉଣ୍ଡେସନ ତାହାର ବିପର୍ଯୟ ପରିଚାଳନା ନିମନ୍ତେ ପ୍ରସ୍ତୁତ କାର୍ଯ୍ୟକ୍ରମ ବିଷୟରେ ଶ୍ରୀ ଜ୍ୟୋତିର୍ମୟ ବିଶ୍ୱାଳ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ. କାମଧେନୁ ସେବା ସମିତିର ସମ୍ପାଦକ ଶ୍ରୀ ଟୁନା ମହାରଣା ବିଭିନ୍ନ ବିପର୍ଯୟ ମୁକାବିଲାର କୌଶଳ ଏବଂ ଗ୍ରାମବାସୀଙ୍କ ଦାୟିତ୍ୱ ବିଷୟରେ ଆଲୋକପାତ କରିଥିଲେ. ମୋବାଇଲ ମାଧ୍ୟମରେ ଆଗାମୀ ସୂଚନା, ଗ୍ରାମସ୍ଥରରେ ଯୋଜନା ପ୍ରସ୍ତୁତି, ଜୀବନଜୀବିକାରେ ଉନ୍ନତି ଆଣିବା ପାଇଁ ରିଲାନ୍ସ ଫାଉଣ୍ଡେସନର କାର୍ଯ୍ୟକ୍ରମ ଗୁଡିକ ଗ୍ରାମବାସୀଙ୍କୁ ଉତ୍ସାହିତ କରିଥିଲା I ବନ୍ୟା, ବାତ୍ୟା, ସୁନାମି ପରି ବିପର୍ଯୟ ମୁକାବିଲା ନିମନ୍ତେ ରିଲାନ୍ସ ଫାଉଣ୍ଡେସନର ସହାୟତା ଆବଶ୍ୟକତା ଅଛିବୋଲି ଗ୍ରାମବାସୀ ଇଛାପ୍ରକାଶ କରିଥିଲେ.