ଆକ୍ରମଣ କାରିକୁ କୋର୍ଟ ଚାଲାଣ କଲା ପୁଲିସ

ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀq):ପୂର୍ବ ଶତ୍ରୁତାକୁ କେନ୍ଦ୍ରକରି ସୋମବାର ସକାଳୁ ଚାଷ ଜମିରେ ପାଟପୁର ଥାନା ଅନ୍ତର୍ଗତ ସାନଖେମୁଣ୍ଡି ବ୍ଳକ ଖଲିଙ୍ଗି ପଞ୍ଚାୟତ ହଂସରାଳୀ ଗ୍ରାମର ସୁଦର୍ଶନ ସାହୁଙ୍କୁ ମରଣାତ୍ମକ ଆକ୍ରମଣ ଘଟଣାରେ ସେହି ଗ୍ରାମର କୁମୁଦ ମହାନ୍ତିକୁ ପାଟପୁର ପୋଲିସ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଥିବା ଜଣାପଡିଛି। ଏନେଇ ସୁଦର୍ଶନଙ୍କ ସ୍ତ୍ରୀ ତିଳୋତ୍ତମା ସାହୁ ପାଟପୁର ଥାନାରେ ଏତଲା ଦେଇଛନ୍ତି। ଏତାଲାକୁ ଭିତି କରି ପାଟପୁର ଥାନା ପୋଲିସ ୩୮୭/୨୪ ମାମଲା ରୁଜୁ କରିଛି। ସୂଚନା ପ୍ରକାରେ ସୁଦର୍ଶନ ଏବଂ କୁମୁଦ ମହାନ୍ତିଙ୍କ ମଧ୍ୟରେ ଗାଁରେ କୌଣସି ନ୍ୟାୟ ନିଶ୍ୱତିକୁ ନେଇ ଦୁଇ ଗୋଷ୍ଠୀ ହୋଇଥିବା ବେଳେ କୁମୁଦ ମହାନ୍ତି ରାଗ ଶୁଝେଇବା ପାଇଁ ସୁଯୋଗ ଖୋଜୁଥିବା ବେଳେ ସୋମବାର ଦିନ ସୁଦର୍ଶନ ଏକା ନିଜ ଚାଷ ଜମିକୁ ପାଣି ମଡ଼ାଉଥିବା ବେଳେ କୁମୁଦର ବିଲରୁ ପାଣି ନେଉଥିବା ଦେଖି ମାରଣାସ୍ତ୍ରରେ ମୁଣ୍ଡ ପିଠି, ମୁହଁ ଯୌନାଙ୍ଗକୁ ଆକ୍ରମଣ କରିଥିବା ଜଣାପଡ଼ିଛି। ଘର ଲୋକ ଖବର ପାଇ ରକ୍ତ ଜୁଡୁ ବୁଡୁଗୁରୁତର ସୁଦର୍ଶନଙ୍କୁ ପ୍ରଥମେ ଆଡପଡ଼ା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଭର୍ତ୍ତି କରିଥିଲେ ଅବସ୍ତା ଗୁରୁତର ହେବାରୁ ବ୍ରହ୍ମପୁର ମେଡିକାଲ ପରେ ଭୁବନେଶ୍ବର ନେଇ ଥିବା ଜଣାପଡ଼ିଛି। ସୁଦର୍ଶନ ବିଦ୍ୟୁତ ବିଭାଗର ଲାଇନ୍ ମ୍ୟାନ କର୍ମଚାରୀ ଭାବେ କାର୍ଯ୍ୟରତ ରହିଛନ୍ତି । ଏନେଇ ପାଟପୁର ପୋଲିସ ପକ୍ଷରୁ ଅଧିକ ତଦନ୍ତ ଚଳାଇଥିବା ଥାନା ଅଧିକାରୀ ଅଜୟ କୁମାର ସ୍ବାଇଁ ସୂଚନା ଦେଇଛନ୍ତି।