ଜନ୍ମ ଦିନ କୁ ନିଆରା ଢଙ୍ଗରେ ପାଳିଲେ କାଉନସିଲର ସନ୍ଧ୍ୟାରାଣୀ ଜେନା

ବାଲେଶ୍ୱର, (ସରୋଜ ପଣ୍ଡା):ନିଜ ଜନ୍ମ ଦିନରେ ରକ୍ତଦାନ ଶିବିର ଆୟୋଜନ କରି ଚର୍ଚ୍ଚାରେ ବାଲେଶ୍ବର ପୌରପାଳିକା ର ୧୫ ନମ୍ବର ୱାର୍ଡ କାଉନସିଲର ସନ୍ଧ୍ୟାରାଣୀ ଜେନା। ବାଲେଶ୍ବର ରକ୍ତ ଭଣ୍ଡାର ରେ ଶ୍ରୀମତୀ ଜେନା ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଏହି ଶିବିର କୁ ବାଲେଶ୍ବର ପୌରପାଳିକା ର ଉପାଧ୍ୟକ୍ଷ କୈଳାସ ଚନ୍ଦ୍ର ସେଠି ଉଦଘାଟନ କରିଥିଲେ।ରକ୍ତ ଭଣ୍ଡାର ରେ ରକ୍ତ ର ଅଭାବ କୁ ଦୃଷ୍ଟିରେ ରଖି ଏଭଳି ପଦକ୍ଷେପ ନେଇଥିବା କାଉନସିଲର ଶ୍ରୀମତୀ ଜେନା ପ୍ରକାଶ କରିଛନ୍ତି।ଅନ୍ୟମାନଙ୍କ ମଧ୍ୟରେ ପୂର୍ବତନ ଉପାଧ୍ୟକ୍ଷ ମନୋଜ କୁମାର ରାଉତ,ମହିଳା ବିଜେଡି ଟାଉନ ସଭାପତି ମିନା ମହାନ୍ତି ପ୍ରମୁଖ ଅନ୍ୟତମ ଅତିଥି ଭାବେ ଯୋଗ ଦେଇ ସନ୍ଧ୍ୟାରାଣୀ ଙ୍କୁ ଜନ୍ମ ଦିବସର ଶୁଭେଚ୍ଛା ଜଣାଇବା ସହ ତାଙ୍କର ଏଭଳି କାର୍ଯ୍ୟ କୁ ଭୁୟସୀ ପ୍ରଶଂସା କରିଥିଲେ।ଅନ୍ୟ ମାନଙ୍କ ମଧ୍ୟରେ ଯୁବ ନେତା ମୋଦନ ମୋହନ ଜେନା, କାଉନସିଲର ସେଖ ଆୟୁବ,ଅର୍ପିତା ପ୍ରିୟଦର୍ଶନୀ ପଟ୍ଟନାୟକ, କବିତା ମୁର୍ମୁ, ମିରାଜ ବାନୋ, ଯୁବ ନେତା ଧୀରେନ ନାୟକ,ସେଖ ଆନସର, ବିଭୁ ଦତ୍ତ ପରିଡା,ଜ୍ୟୋତିରାଣୀ ମାଝୀ,ରାଜଲକ୍ଷ୍ମୀ ଚାଟାର୍ଜୀ, ମାନସୀ ନାୟକ, ସ୍ୱାଗତିକା ବାରିକ, ଗୀତାଞ୍ଜଳି ପ୍ରଧାନ, କବିତା ବିଶ୍ୱାଳ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ