ବିଶିଷ୍ଟ ବ୍ୟବସାୟୀଙ୍କ ପରଲୋକ

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା ନିମାପଡ଼ା ବ୍ଲକ ତୁଳସୀପୁର ଓ ଚାରିଛକ ଅଞ୍ଚଳର ବିଶିଷ୍ଟ ବ୍ୟବସାୟୀ ଜାହାନ ସାହୁ (୮୦)ଙ୍କର ତୁଳସୀପୁର ସ୍ଥିତ ବାସଭବନ ରେ ପରଲୋକ ଘଟିଛି।ଖବର ପାଇ ସ୍ଥାନୀୟ ଅଞ୍ଚଳର ବ୍ୟବସାୟୀ,ତାଙ୍କ ଶୁଭେଶ୍ଚୁ ତାଙ୍କ ବାସଭବନକୁ ଯାଇ ତାଙ୍କ ଶେଷ ଦର୍ଶନ କରିଥିଲେ। ତାଙ୍କ ସମ୍ମାନାର୍ଥେ ତୁଳସୀପୁର ଗଣେଶ ବଜାର, ଲକ୍ଷ୍ମୀ ବଜାର ଓ ଚାରିଛକ ଦିନକ ପାଇଁ ବନ୍ଦ କରା ଯାଇଥିଲା। ତାଙ୍କ ଶେଷକୃତ୍ୟ ତାଙ୍କ ପୈତୃକ ଗ୍ରାମ ଜାହାଙ୍ଗୀରପୁର ସ୍ଥିତ ଶ୍ମଶାନ ରେ କରାଯାଇଥିଲା। ଜ୍ୟେଷ୍ଠ ପୁତ୍ର ଲିଙ୍ଗରାଜ ମୁଖାଗ୍ନି ଦେଇଥିବା ବେଳେ ମଧ୍ୟମ ପୁତ୍ର କାଳନ୍ଦୀ, କନିଷ୍ଠ ପୁତ୍ର ରବୀନ ଶ୍ମଶାନରେ ଉପସ୍ଥିତ ଥିଲେ। ତାଙ୍କ ମୃତ୍ୟୁରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି। ନିମାପଡାର ପୁର୍ବତନ ବିଧାୟକ ସମୀର ରଞ୍ଜନ ଦାଶ, ନିଆଳିର ପୂର୍ବତନ ବିଧାୟକ ପ୍ରମୋଦ କୁମାର ମଲ୍ଲିକ ପ୍ରମୁଖ ଶୋକ ପ୍ରକାଶ କରି ତାଙ୍କ ପରିବାରକୁ ଗଭୀର ସମବେଦନା ଜଣାଇଛନ୍ତି।