ସାହିତ୍ୟ ଘରର ବାର୍ଷିକ ଉତ୍ସବ ସେପ୍ଟେମ୍ବର ୨୯ରେ

ହାଟଡ଼ିହି, (ବିକାଶ ବିଶ୍ୱାଳ):ସମ୍ବାଦ ସାହିତ୍ୟ ଘରର ବାର୍ଷିକ ଉତ୍ସବ ଆସନ୍ତା ସେପ୍ଟେମ୍ବର ୨୯ରେ ଅନୁଷ୍ଠିତ ହେବ। ଏଥିପାଇଁ ସମ୍ବାଦ ସାହିତ୍ୟ ଘରର ସଭାପତି ଅନ୍ତର୍ଯ୍ୟାମୀ ରାଉତଙ୍କ ସଭାପତିତ୍ୱରେ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସମ୍ପାଦକ ଶ୍ରୀକାନ୍ତ ପଟ୍ଟନାୟକ, ସଂଯୋଜକ କିଶୋର ଆଚାର୍ଯ୍ୟ, ଉପସଭାପତି ନିତ୍ୟାନନ୍ଦ ବେହେରା, ସହ ସମ୍ପାଦକ ନାରାୟଣ ସାହୁ, ବରିଷ୍ଠ ଉପଦେଷ୍ଟା ରତ୍ନାକର ଦାସ, ନାରାୟଣ ଲେଙ୍କା, ବିଦ୍ୟୁତ ପ୍ରଭା ଦେଓ, ସୁବାସ ପାତ୍ର, ସୁରେନ୍ଦ୍ର ପରିଡା, ମୁରଲୀଧର ବେହେରା, ବିଶ୍ୱଜିତ ରାଉତ, ଉମାମଣି ପାଢ଼ୀ, ରାଜୀବ ସାହୁ, ଅନନ୍ତ ମୁଦୁଲି, ଚତୁର୍ଭୁନ ଜେନା, ବନମାଳୀ ଜେନା, ପ୍ରିୟତମା ସା, ସରଳା ମହାପାତ୍ର, ଶୁଭଦ୍ରା ସ୍ୱାଇଁ, ଅଭୟ ସାମଲ, କୈଳାସ ରାଉତ, ଚତୁର୍ଭୁଜ ଜେନା ପ୍ରମୁଖ ଯୋଗଦେଇ ଆଗାମୀ ସେପ୍ଟେମ୍ବର ମାସ୨୯ ତାରିଖରେ ବାର୍ଷିକ ଉତ୍ସବ ପାଳନ କରିବାକୁ ନିଷ୍ପତ୍ତି ନେଇଥିଲେ। ପରବର୍ତ୍ତୀ ବୈଠକରେ ଅତିଥି ନିମନ୍ତ୍ରଣ, ମୁଖପତ୍ର ଉନ୍ମୋଚନ ଆଦି ପୂର୍ଣ୍ଣାଙ୍ଗ କାର୍ଯ୍ୟକ୍ରମ ଉପରେ ନିଷ୍ପତ୍ତି ନିଆଯିବ ବୋଲି ଆଲୋଚନା ହୋଇଥିଲା।