ଅବକାରୀ ଚଢାଉ, ବିପୁଳ ମଦ ଜବଦ୍, ୩ ଗିରଫ

ହାଟଡିହି, (ବିକାଶ ବିଶ୍ୱାଳ):ରାଜ୍ୟରେ ମଦମୃତ୍ୟୁ ଘଟଣା ଘଟିବାପରେ ସାରା ରାଜ୍ୟରେ ପୁଲିସ ପ୍ରଶାସନ ଓ ଅବକାରୀ ବିଭାଗ ତତ୍ପର ହୋଇଉଠିଛି। ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଘନଘନ ଚଢାଉ କରାଯାଉଛି। ହାଟଡିହି ବ୍ଲକ ସୋସୋ ଥାନା ଅଧିନସ୍ଥ ପୁରୁଣାପାଣି, ଅନ୍ଧାରୀ, ଶୀଳପୋଖରୀ, ପଦାରୁଖା ଗ୍ରାମରେ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ବିପୁଳ ପରିମାଣର ମଦ ଜବଦ୍ କରାଯାଇଥିବାବେଳେ ୩ ଜଣଙ୍କୁ ଗିରଫ କରାଯାଇଛି। ଅବକାରୀ ବିଭାଗର ସୁଚନା ଅନୁଯାଇ କେନ୍ଦୁଝର ଅବକାରୀ ଅଧିକ୍ଷକ ସୁଦୀପ୍ତ କୁମାର ଦାସଙ୍କ ନିର୍ଦ୍ଦେଶକ୍ରମେ ହାଟତିହି ଅବକାରୀ ଥାନା ଅଧିକାରୀ ସ୍ମୀତା ବେହେରା, ଏ.ଏସ.ଆଇ ସୁଶାନ୍ତ କୁମାର ରାଉତ, କନେଷ୍ଟବଳ ସୁରେଶ ବେହେରା, ନିବେଦିତା ମାଝୀ ପ୍ରମୁଖ ଆଜି ସକାଳେ ଢ଼େଙ୍କା ପଞ୍ଚାୟତ ପୁରୁଣାପାଣି, ପତିଆରିପଲ୍ଲୀ ପଞ୍ଚାୟତର ଅନ୍ଧାରୀ, ସଢା ପଞ୍ଚାୟତର ଶୀଳପୋଖରୀ ଓ ପଦାରୁଖା ଗ୍ରାମରେ ଚଢ଼ାଉ କରି ୩୪୬ ଲିଟର ମହୁଲି ମଦ ଜବଦ କରିବା ସହିତ ୨୭୦୦ ଲିଟର ମହୁଲପୋଚ଼ ନଷ୍ଟକରିଥିଲେ। ଏହି ଘଟଣାରେ ଲାଲୁ ମୁର୍ମୁ, ଦିପକ ମାଝୀ, ସଞ୍ଜୟ କୁମାର ନାୟକଙ୍କୁ ଗିରଫ କରି କୋର୍ଟଚାଲାଣ କରାଯାଇଛି ବୋଲି ଅବକାରୀ ଥାନା ଅଧିକାରୀ ସୁଚ଼ନା ଦେଇଛନ୍ତି