ସରସ୍ବତୀ ଶିଶୁ ମନ୍ଦିରରେ ଜନ୍ମାଷ୍ଟମୀ ଉତ୍ସବ ପାଳନ

ନିମାପଡ଼ା,( ସନ୍ତୋଷ ଦାଶ) ପୁରୀ ଜିଲ୍ଲା ଯୋଗେଶ୍ୱରପୁର ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ଭୀମସେନ ରାୟଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବିଦ୍ୟାମନ୍ଦିର ପରିସର ରେ ଜନ୍ମାଷ୍ଟମୀ ଉତ୍ସବ ଅନୁଷ୍ଠିତ ହୋଇଥିଲା। ଉକ୍ତ ଉତ୍ସବ ରେ ମୁଖ୍ୟ ଅତିଥି ଭାବେ ଅନୁଷ୍ଠାନର ପୂର୍ବତନ ଉପ ସଭାପତି ଦାମୋଦର ମିଶ୍ର ଓ ସମ୍ମାନିତ ଅତିଥି ଭାବେ ଅନୁଷ୍ଠାନର ସମ୍ପାଦକ ମାନସ କୁମାର ସାହୁ, ସଭାପତି ପ୍ରସନ୍ନ କୁମାର ସ୍ୱାଇଁ, ଉପ ସଭାପତି କୃଷ୍ଣ ଚନ୍ଦ୍ର ବାରିକ, କୋଷାଧ୍ୟକ୍ଷ ବିମଳ କାନ୍ତ ସ୍ବାଇଁ ପ୍ରମୁଖ ଯୋଗ ଦେଇଥିଲେ। ମୁଖ୍ୟ ଅତିଥି ଶ୍ରୀ ମିଶ୍ର ପ୍ରଭୂ କୃଷ୍ଣଙ୍କର ବାଲ୍ୟ ଲୀଳା ବିଷୟରେ ଆଲୋଚନା କରିଥିଲେ। ଗୁରୁଜୀ ବିନୋଦ ବିହାରୀ ପାଢ଼ୀ ଭାଗବତ ପାଠ କରିଥିଲେ। ଈଶ୍ୱର ବାରିକ, ତ୍ରିଲୋଚନ ମିଶ୍ର, ବାହନ ଚାଳକ ଭାଗିରଥି ଆଚାର୍ଯ୍ୟ ସମୂହ ନାମ ସଂକିର୍ତ୍ତନ କରିଥିଲେ। ଯାହାକି ବିଦ୍ୟାଳୟ ପରିବେଶ ପ୍ରକମ୍ପିତ ହୋଇ ପଡ଼ିଥିଲା । ଶିଶୁ ବିଦ୍ୟାମନ୍ଦିର ର ଛାତ୍ର ଛାତ୍ରୀ ମାନଙ୍କ ମଧ୍ୟରେ କୃଷ୍ଣ ବେଶ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଏଥିରେ ମୋଟ ୩୦ଜଣ ଶିଶୁ ଅଂଶ ଗ୍ରହଣ କରିଥିଲେ। ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଗୁରୁଜୀ ,ଗୁରୁମା ,କର୍ମଚାରୀ ମାନେ ସହଯୋଗ କରିଥିଲେ।