କେନ୍ଦ୍ରାପଡ଼ା ସଦର ଥାନାରେ ସ୍ୱେଛାକୃତ ରକ୍ତଦାନ ଶିବିର ୬୬ ୟୁନିଟ ରକ୍ତ ସଂଗୃହିତ
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):କେନ୍ଦ୍ରାପଡ଼ା ସଦର ଥାନା ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଥାନା ଅଧିକାରୀ ସରୋଜ କୁମାର ସାହୁଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଆଜି ଅନୁଷ୍ଠିତ ହୋଇଯାଇଛି । ଏହି ରକ୍ତଦାନ ଶିବିରରେ ୬୬ ୟୁନିଟ୍ ରକ୍ତ ସଂଗୃହିତ ହୋଇଥିଲା । ଶିବିର ପୂର୍ବାହ୍ନ ୧୦ଟାରୁ ଆରମ୍ଭ ହୋଇ ଅପରାହ୍ନ ୩ ଟା ପର୍ଯ୍ୟନ୍ତ ଚାଲିଥିଲା । ଟାଉନ୍ ଥାନାଧିକାରୀ ଦିଲ୍ଲୀପ କୁମାର ସାହୁ, ପଣ୍ଡିତ ହୃଷିକେଶ ରଥ ପ୍ରମୁଖ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଶିବିରକୁ ସବ୍ଇନସପେକ୍ଟର ବିଶ୍ୱଭୂଷଣ ସାହାଣୀ ପରିଚାଳନା କରିଥିଲେ । କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟ ରକ୍ତଭଣ୍ଡାରର କର୍ମଚାରୀ ରାକେଶ କୁମାର ମିଶ୍ର, ନର୍ସିଂ ଅଫିସର ସ୍ୱାତୀ ସୁମିତ୍ରା ଓ ସୌମ୍ୟରଞ୍ଜନ ସେଠୀ ପ୍ରମୁଖଙ୍କ ସହଯୋଗରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି ଶିବିରକୁ ପରିଚାଳନା କରିବାରେ ସଦର ଥାନା ଏ.ଏସ୍.ଆଇ. ଗୋବିନ୍ଦ ଚନ୍ଦ୍ର ଦଳାଇ, ଏ.ଏସ.ଆଇ ମାମି ଦେଇ, ସସ୍ମିତା ରାଉତ, ହାବିଲଦାର ଅର୍ଜୁନ ଚରଣ ମଲ୍ଲିକ, ମମତା ମଲ୍ଲିକ, ସୁଚିତ୍ରା ଜେନା, ଚିନ୍ମୟୀ ନାୟକ, ରାଜଶ୍ରୀ ଲେଙ୍କା, ସାଗର ପ୍ରଧାନ, ରଘୁନାଥ ଲେଙ୍କା, ଶ୍ୟାମସୁନ୍ଦରପୁର ଜଗନ୍ନାଥ କମିଟି ସଦସ୍ୟ ବ୍ରଜବନ୍ଧୁ ମହାରଣା, ବିଘ୍ନେଶ୍ୱର ନାୟକ ପ୍ରମୁଖ ସହଯୋଗ କରିଥିଲେ । ରକ୍ତଦାନ ଶିବିର ପରିପ୍ରେକ୍ଷୀରେ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଥାନା ପକ୍ଷରୁ ଏକ ଭଜନ ସମାରୋହ ମଧ୍ୟ ଆୟୋଜନ କରାଯାଇଥିଲା ।
