ଅଙ୍ଗନୱାଡ଼ି କେନ୍ଦ୍ରରୁ ମୋଟର ଚୋରି ଥାନାରେ ଏତଲା

ସାନଖେମୁଣ୍ଡି,(ପଦ୍ମଲୋଚନ ପାଣିଗ୍ରାହୀ):ସାନଖେମୁଣ୍ଡି ବ୍ଲକ ଶୁଣ୍ଡିପଲ୍ଲୀ ଗ୍ରାମ ଅଙ୍ଗନୱାଡ଼ି କେନ୍ଦ୍ର -୧ ପାଣି ମୋଟର ଘରର ତାଲା ଭାଙ୍ଗି କୌଣସି ଦୁର୍ବୃତ୍ତ ପାଣି ମୋଟର ଟିକୁ ଚୋରି କରିଥିବା ଅଭିଯୋଗ ହୋଇଛି। ମଙ୍ଗଳବାର ଅଙ୍ଗନୱାଡ଼ି କର୍ମୀ ମଞ୍ଜୁଳା ଭୂୟାଁ ଦିଗପହଣ୍ଡି ଥାନାରେ ଏତଲା ଦେଇଛନ୍ତି।ପ୍ରତିଦିନ ଭଳି ସୋମବାର ଅପରାହ୍ନରେ ଅଙ୍ଗନୱାଡ଼ି କର୍ମୀ କେନ୍ଦ୍ରର ସମସ୍ତ ଗେଟରେ ତାଲା ପକାଇ ଘରକୁ ଫେରିଥିଲେ। ମଙ୍ଗଳବାର ସକାଳ ପ୍ରାୟ ୯ଟାରେ ଅନ୍ୟତମ ସହକର୍ମୀ ଗାୟତ୍ରୀ ବିଷୋୟୀ ଅଙ୍ଗନୱାଡ଼ି କେନ୍ଦ୍ରର ତାଲା ଖୋଲିବା ପରେ ପାଣି ମୋଟର ସୁଇଚ ଲଗାଇବା ବେଳେ ମୋଟର  ଘରର ତାଲା ଭଙ୍ଗାଯାଇଥିବା ଦେଖିଥିଲେ।ଏନେଇ ସେ ଅଙ୍ଗନୱାଡ଼ି କର୍ମୀ ମଞ୍ଜୁଳାଙ୍କୁ ଫୋନ ଯୋଗେ ଘଟଣା ଜଣାଇଥିଲେ।ସେ କେନ୍ଦ୍ରରେ ପହଞ୍ଚି ଘଟଣା ଦେଖିବା ପରେ କୌଣସି ଦୁର୍ବୃତ୍ତ କରେଣ୍ଟ ୱାଇର କାଟି ମୋଟର ଟିକୁ ଚୋରି କରି ନେଇଥିବା ଜାଣିବାକୁ ପାଇଥିବା କହିଛନ୍ତି।